係咪講真先？！
藝人陳凱琳（Grace）及方健儀到紅磡出席星夢郵輪「世界夢號」首航倒數啟動禮，分享夢想及對郵輪的感覺，問到有否跟男友鄭嘉穎上郵輪玩？她說：「未呀！我驚太多人影佢，我只上過兩次郵輪玩，一次喺香港，一次去到阿拉斯加，好開心，可以亂咁玩，亂咁食雪糕！」活動上大會送贈郵輪贈卷給Grace，問會否跟嘉穎玩一次？她笑說：「睇下有幾多張，如果得兩張，畀得爸爸就畀唔到媽咪，可能兩張畀晒父母。（將來揀上郵輪度蜜月？） 如果唔係香港出發都可以，想去遠啲，或者去歐洲，去冰島睇北極光，好寫意開心！（去埋嗰度結婚？）驚着住啲裙會好凍！可能着白色羽絨婚紗。（有冇傾過去邊度蜜月？）諗咗旅行先，等大家拍完戲，不過到時又台慶又頒獎勵，可能要再遲啲。」
活動上，Grace呼籲市民參與拼砌全球最大的lego郵輪模型，一同刷新世界紀錄，她自己亦有參與砌了一部份，她直言喜歡設計，喜歡溫暖溫馨的感覺，問將來會否設計愛巢？她說：「呢方面我成日變。（同嘉穎研究？）自己睇吓啲設計先。（買樓未？）我自己未有呢個能力，努力工作儲吓錢先。」
來源 source: http://hk.on.cc
|
鍾意就快D Share啦！
|
|
|
