「跟(今)次真係爸(不)得了吔！」唔鹹唔淡嘅廣東話，已成為金剛嘅標記。金剛嚟咗香港十年，「典解」廣東話仲係咁差嘅？金剛解釋﹕「你話我扮(嘢)同唔扮都好 ...
「跟(今)次真係爸(不)得了吔！」唔鹹唔淡嘅廣東話，已成為金剛嘅標記。
金剛嚟咗香港十年，「典解」廣東話仲係咁差嘅？金剛解釋﹕「你話我扮(嘢)同唔扮都好啦，係自己character。其實傾偈『茅』問題嘅，但做節目就差啲，因為一部機隊住你，因為有啲字要用國語諗一次再轉廣東話，所以講得唔正，但觀眾接受都好surprise。」
07年，金剛毅然由台灣嚟香港發展，佢話心口真係要掛個勇字，因為人工比台灣少咗3份2，要食「巧」多叮叮麵同麵飽度日，佢話﹕「初初嚟『巧』有挫敗感，以前做司儀係可以自己發揮，但嚟到香港乜都要照稿讀，又『茅』friend，得部遊戲機陪我。喺台灣時，我人工有4萬蚊港紙，嚟到香港得1萬2千，但『茅』諗過返台灣，因為既然豁出去就想試吓。」
金剛後來由TVB8轉到收費台拍劇，仲獲曾志偉賞識做《獎門人》，令更多人認識佢。不過，一直有傳志偉與余詠珊不和，早前志偉更不留情面狂插由余詠珊做統籌總經理嘅香港小姐變質，並用「慘不忍睹」嚟形容。(相關新聞﹕http://bit.ly/2wB1PaX)
身為「志偉派」嘅金剛直言工作量突然少咗好多，曾經試過一年只接到一個Show，成個月冇嘢做，佢話﹕「係少咗啲……但老實講，內部鬥爭唔關我事，我小朋友，點知咩事嗌交啫？你叫我做就做，我走(離開TVB)前半年有個《街坊廚神》，唔知係咪為咗留我喇，但我做咗獎門人都『茅』嬲我。總之我當佢係師父，『茅』佢就『茅』香港嘅金剛，對我有恩，『茅』論做乜都撐佢。」
今年6月，金剛決定離開無綫往外闖，因為覺得自己到咗瓶頸位，佢話﹕「其實我又唔鍾意人管我啦。(最唔鍾意係乜？)哈哈，做自己唔想做嘅嘢囉，例如有啲好正經嘅節目，唔啱我做嘅，但我『巧』想做嘅港姐(司儀)又永遠做唔到。(衰咩？)唔知呀！衰樣啩，太醒目。」
現在金剛已成為王祖藍旗下藝人，主力返大陸發展，佢話最希望監製一個陽光與海灘、比堅尼女郎與猛男嘅節目。金剛經常都話要搵個身材好嘅女朋友，同陳蕊蕊分手近一年，會唔會趁機會識番個？佢話﹕「O依家『巧』難，以前年輕瀟灑，O依家36歲都變阿叔啦。」問到現在擇偶條件係咪都係身材行先？佢笑笑口話﹕「都要睇性格，但有埋身材就更好啦。(媽媽有冇催婚？)『茅』，佢條件都『巧』嚴格。(之前十幾個女友都唔pass？)哈哈，都係一般般啦，可以更『巧』。」
場地：隆堡麗景酒店
