76歲成龍前經理人陳自強(Willie)近年淡出娛圈，兩年前曾傳他因心臟病入院，出入靠坐輪椅代步，更有指今年9月再度不適入院，其後出院在家休養，有消息指陳自強昨晚在家中病逝。
關錦鵬今日接受《蘋果》訪問，親證好友昨晚離世：「今朝聽負責照顧佢嘅契仔講陳自強噚晚喺屋企安詳離世，之前大家都食過飯，中秋有講過電話，大家keep住有電話聯絡，聽佢把聲都幾精神，不過行唔到路，間唔中有咳 (問到係唔係癌病?)其實佢已經好番，不過要等醫院證實死因，我同佢由《胭脂扣》識，佢做監製，大家識咗30幾年，呢個人作為朋友、工作伙伴，真係冇話可說，心哋又好，呢幾年佢就係退休狀況，如果唔係因為身體原因，佢都想搵啲唔係工作太重嘅工作，做番監製。」
陳自強一向愛杯中物，多年來難以戒酒，陳自強曾做成龍經理人，全盛時期為鍾楚紅、張曼玉、張學友及鄭裕玲的經理人，被封「金牌經理人，與成龍更合作逾30多年，闖出名堂，當年陳自強透過秦祥林認識成龍，兩人合作從沒簽合約，多年靠兄弟情，互相信任，之後成龍進軍荷李活時，雖然有另一經理人幫忙，不過陳自強亦一直在成龍身邊，怎料2008年，成龍與陳自強關係決裂，突然與陳自強終止合作關係，工作由太太林鳳嬌接管，直至2014年，陳自強接受電台訪問提到與成龍當年「分手」一事，他以「走火入魔」形容成龍，不再需要陳自強幫手，陳自強先提出離開，在成龍60大壽，陳自強被邀出席，此外，在元彪嫁女再度與成龍碰面，成龍主動搭膊頭，二人關係才破冰。
|
鍾意就快D Share啦！
|
|
|
