鄭裕玲感謝當年轉去影圈得到陳自強照顧。
藝人鄭裕玲（嘟嘟）為電台節目開咪時，提到昔日經理人陳自強（Willie）離世，嘟嘟在節目一開始時說：「我有少少嘢想講，因為今日係我以前嘅經理人陳自強啱啱過咗身，好多朋友，甚至電視台打嚟，我就話唔怕講，我喺度Share啦。」嘟嘟繼續說：「初初出嚟拍戲嘅時候，我因為由TVB（無綫）轉去影圈唔知道會係點，啲人又話好黑暗，搵咗陳自強，佢就好幫手簽咗我，當時佢已經有佢話嘅仔仔女女，張曼玉、鍾楚紅、成龍，我就諗住有佢幫我，我會輕鬆好多去拍戲，但合作咗一輪之後，我覺得自己都掂喎，我都鍾意揸主意嘅人，所以後尾我就脫離咗。」
嘟嘟又大讚Willie是個好人：「同佢一齊嘅時間，Willie好好，佢係一個非常照顧人嘅經理人，我哋有咩要求佢都盡量安排，所以我喺佢旗下嗰幾年學到好多嘢，電影圈對我嚟講係零，學到待人處世、傾條件都識，礙於自己性格自把自為，所以我就脫離咗，但係我好多謝佢嗰幾年畀咗我經驗同多謝佢嘅協助，今日聽到佢過身消息，希望佢Rest in Peace，我會永遠懷念佢，多謝你Willie。」
來源 source: http://hk.on.cc
|
鍾意就快D Share啦！
|
|
|
