現年81歲的化妝大師陳文輝，04年退休離開無綫，今年7月傳病重入院，據悉吸煙多年的輝哥今年6月發現患上肺癌，於港島區一間醫院接受治療。其子陳志達今晚向親友發短訊，沉痛謂：「輝哥今晚八點十五分離開這世界了！多謝你們對輝哥的關懷疼愛！他是很安詳地走了，沒有甚麼痛苦的！」
《蘋果》致電陳志達，他語調尚算平靜，謂：「因為個病都定咗係末期，定咗係末期，不過喺療養院令佢冇咁痛苦，同埋之前都講咗唔好同佢做化療，同埋同醫生話唔需要同佢搶救，所以佢係喺安詳同冇痛苦之下離世。」
「由噚晚開始屋企人已經守候喺佢身邊，知道佢嘅情況咁，我哋都好緊張。今晚八點幾，我，我哥哥，嫂同太太都喺度，輝嫂返咗屋企之後，都call佢返番嚟，送輝哥最後一程。」
據知輝哥患病期間，家人擔心輝哥年紀大，接受化療會好辛苦，所以決定安排輝哥接受中藥治療，情況一度穩定。自從輝哥發現癌症之後，家人一直悉心照顧，尤其是輝哥結婚19年嘅第二任太太Deborah，夫妻情重。
當時Deborah接受《蘋果》電話訪問，亦語氣平靜謂：「輝哥都一把年紀啦，有病係好理所當然。」又稱：「佢OK嘅，胃口當然冇以前後生咁食得啦，佢始終都係病人。我哋依家同佢一齊打緊仗，我哋都會鼓勵佢食嘢呀、心情開朗呀，我覺得最緊要佢心情開朗囉，你打任何仗都一定咁。」
來源 source: http://hk.apple.nextmedia.com
|
鍾意就快D Share啦！
|
|
|
