掃呢頁CODE去手機

2017年10月9日 星期一

【爆相爆片】懶理世俗眼光 卓林與網紅女友Andi天台互影 __,卓林,吳綺莉,吳卓林,

吳綺莉為成龍所生嘅17歲女兒吳卓林,大前日喺媽咪吳綺莉不知情嘅情況下,喺ig高調承認同約30歲嘅加拿大籍網紅Andi拍拖,正式宣佈出櫃:「Incase ...


吳綺莉為成龍所生嘅17歲女兒吳卓林,大前日喺媽咪吳綺莉不知情嘅情況下,喺ig高調承認同約30歲嘅加拿大籍網紅Andi拍拖,正式宣佈出櫃:「In case no one got the memo, I'm gay.」之後Andi亦喺ig貼兩人selfie合照!其後吳綺莉接受《蘋果》訪問,佢話雖然冇一齊住,不過有聯絡,亦keep住有俾零用,佢又話:「如那個朋友仔係男仔,咁有機會抱孫仲大鑊,所以感恩,唔係到時又要養佢又要養孫。」(新聞連結:http://bit.ly/2y3UBk2)

正如Andi所講,雖然俾人歧視,不過只要每日都同卓林一齊,一切都得冇關係,所以喺認愛後繼續過佢哋想過嘅生活。越愛越勇嘅卓林,噚日仲喺ig留言感謝網民嘅支持,從小喺佈滿負面同封閉環境下長大嘅卓林,直言曾經對世界同未來感到非常無助、迷惘,慶幸身邊一直有唔同嘅人支持同鼓勵,最後佢想通了,成長了!(新聞連結:http://bit.ly/2kvCtdS)

日前有讀者Joanna透過《蘋果》嘅「爆相爆片」,喺卓林同Joanna入住嘅「愛巢」個天台,捕獲佢哋喺度互影,睇到啲相,卓林着住全黑衫,Andi就貫徹作風,着住粉紅色嘅背心裙兼同色嘅帽,用咗幅白色牆做背景,跟住見到好sweet咁幫對方喺度影相。

讀者Joanna話:「其實我喺早幾個禮拜都見過佢哋,不過唔知原來就係卓林,直到早幾日報紙先知道,點知今日又見到佢哋喺天台。」話晒o依家係熱戀期,唔知又有冇見到有乜嘢親熱嘅動作呢?讀者就話:「咁又冇喎,之前佢哋都係喺度傾偈,仲有朋友同場,今次已經叫做好親熱!」

有讀者喺卓林住嘅大廈天台見到佢哋喺影相。(讀者提供圖片) (讀者提供圖片) (讀者提供圖片)
卓林呢張相似乎係女友操刀!(ig圖片) 佢哋兩個都好鍾意影相。(ig圖片) Andi似乎對天台情有獨鍾,好鍾意喺天台影相!(ig圖片)
Andi好鍾意着粉紅色衫!(ig圖片) 吳綺莉話大門永遠為卓林打開!(資料圖片)

鍾意就快D Share啦!