曹星如爭議勝仗 必有迴響
張繼聰：挑戰心，大家學吓
娛樂要聞
有「神奇小子」之稱的香港拳手曹星如（Rex），前晚在會展舉行的「王者對決3」跟前世界拳王河野公平決戰。雖然曹星如在第二回合因頭撼頭意外令左額有巨型腫塊，第六回合後因左眼傷勢而被終止比賽，但裁判一致裁定他以點數68:66勝出，贏得職業生涯22連勝。賽果惹來爭議，有網民質疑曹星如反敗為勝造假，但有份睇拳賽的張繼聰、陳志雲等齊撐賽果公平，張繼聰謂：「幾多連勝對佢嚟講唔係最重要，佢有挑戰者嘅心，大家應該學吓。」
採訪：魯吉、曹家誠、皓騫
攝影：仇志德、何家達
曹星如前晚因傷被終止賽事，最後以點數68:66勝出，取得22連勝。
張繼聰戥老友肉赤
張繼聰與太太謝安琪跟曹星如份屬老友，前晚夫婦結伴睇曹星如拳賽，事後謝安琪在facebook留言：「看到他哭，我也哭了。今天晚上我嗌爆喉嚨了。」
張繼聰昨日表示心情激動又肉赤：「睇到佢負傷應戰，網上好多人討論賽果，我覺得拳擊係有佢準則同評分方法，個裁判係有分紙同一個公正嘅判斷。睇番好多慢鏡，佢係有好多得分嘅出拳，可能好多人質疑賽果，但我覺得噚晚好感動，Rex示範咗一個好好嘅價值觀，大家可以欣賞多啲佢付出咗幾多，佢每一日好刻苦鍛煉，打完之後要承受好耐嘅傷患，痛都係佢自己痛，示範咗一種好正面、好不屈不撓嘅精神，大家應該繼續支持佢。以我認識嘅Rex，幾多連勝對佢嚟講唔係最重要，佢真係有一個挑戰者嘅心，大家應該學吓。」
張繼聰認為賽果公正，又指曹星如示範了不屈不撓精神。互聯網圖片
謝安琪前晚於fb留言，指自己跟着曹星如也一起哭了。互聯網圖片
來源 source: http://hkm.appledaily.com
|
鍾意就快D Share啦！
|
|
|
