熱爆娛樂: 【兩度戀上寶詠琴】熱戀時愛得高調洪朝豐揭性史追服務費震撼全城 _

2017年10月1日星期日

【兩度戀上寶詠琴】熱戀時愛得高調洪朝豐揭性史追服務費震撼全城 __,洪朝豐,

洪朝豐係著名DJ，亦有踏足電視圈，日前大台重播嘅《壹號皇庭II》中先見到佢。

不過，洪朝豐另一個更為人知嘅，係佢同已故嘅寶詠琴之間嘅一段情。

98年，寶詠琴接受洪朝豐電台訪問，就係咁，一問定情，兩人互生情愫，有指佢哋事後喺酒店談心達3小時，其後兩人被發現拖手睇粵劇，戀情正式曝光。雖然女比男年長6年，但佢哋熱戀時，兩人互稱「寶寶」同「豐豐」，不時公開放閃晒恩愛，戀情非常高調。

翌年4月，有雜誌刊登洪朝豐扮女人嘅相，寶詠琴為男友出頭，向雜誌發律師信。同月「洪寶」同遊日本，其中男方宣稱此行叫預支蜜月。5個月後，兩人再把臂同遊歐洲。

可惜，「洪寶戀」只維持咗11個月就畫上句號，於99年10月告一段落，當時洪朝豐被拍到與男性友人喺大連出入酒店嘅相，然後寶詠琴承認兩人已分手。

「洪寶」甩拖，更反目，隔空開火，男向女追討100萬，聲稱當中包括性服務費，男方又爆兩人之間嘅性事，言論大膽，令全城嘩然。

以為「洪寶」係愛嘅反面變成恨？又唔係喎，劇情峰迴路轉，到00年5月，「洪寶」宣佈復合，當時寶詠琴指洪朝豐患有兩極性情緒錯亂，故體諒對方之前所作異行，並重新接受「豐豐」，可惜呢段「洪寶戀」續集，復合不足半年，又告sayonara。

	「洪寶戀」轟動一時	99年，喺洪朝豐生日會上，寶詠琴當眾咀男友。
99年，仍未分手嘅「洪寶」，一齊上《驚天動地掌門人》做嘉賓，玩得勁投入。	00年「洪寶」一齊接受《蘋果》專訪，兩人啲表情，比平日豐富好多。	就連同國際天后Celine Dion，「洪寶」都係孖住上。