掃呢頁CODE去手機

2017年10月27日 星期五

【絕密】城城生日方媛頭貼頭翹實晒幸福 __,方媛,郭富城,城城,

睇相都知佢哋有幾幸福。今年9月升呢做咗老竇嘅郭富城,尋日(27號)就係佢嘅52歲生日,雖然明知城城同太太方媛一定會一齊慶祝,不過佢哋好似好神秘咁,點都 ...


睇相都知佢哋有幾幸福。


今年9月升呢做咗老竇嘅郭富城,尋日(27號)就係佢嘅52歲生日,雖然明知城城同太太方媛一定會一齊慶祝,不過佢哋好似好神秘咁,點都唔肯一齊見人,方媛都係喺社交網甫咗張單人晒腿加個蛋糕相吊吓大家癮,不過,東網終於都搵到佢哋一齊慶生嘅相,方媛仲翹實城城,場面冧到爆!

尋晚一大班朋友齊齊幫城城慶生,作為「壽星仔」嘅城城着上鮮紅色Tee非常搶眼又Sharp醒,佢前面就放住方媛擺咗上網嘅蛋糕,而方媛無視現場咁多人嘅存在,全程翹實城城之餘,仲將個頭挨晒落城城個膊頭上面,方媛露出一臉幸福相,真係齋睇相都Feel到佢哋有幾幸福,而城城豎起手指公,唔知佢係讚緊太太方媛正呀!定係想話個生日會玩得好開心呢?不過搵勻成張相,都唔見佢哋嘅愛情結晶品囡囡Chant嘅蹤影,睇嚟都應該係因為年紀太細唔方便帶佢出嚟一齊慶祝。


來源 source: http://hk.on.cc
鍾意就快D Share啦!