「我要打10個！」這句一聽會不其然令人想起詠春大師 － 葉問。電影風靡全球，令外國人認識到詠春，更選擇飄洋過海來到香港拜師學藝。「尋橋，punch、punch。」在武館中用洪亮聲線，發出中文混合英文指令，這名莊嚴地站在一大群「紅鬚綠眼」外國人前面發號施令的，正是詠春宗師葉問的第一代弟子 － 劉功成。
望着滿室站着的不少外國人，原來並非劉師傅特選外國人作學生。他解釋外國人從不同途徑得知中國功夫，就來到香港拜師學藝，特別是詠春。劉指雖然中國也有各大詠春門派，但外國人獨愛來到香港有其原因。皆因詠春大師葉問50年代來港開班授徒，「一路教，之後就到我哋教，（葉問）門派喺香港冇斷層。」
而他非常注重中國文化，所以拜師的禮儀同樣要做足。不但要向師父下跪、師母敬茶，更要寫拜師帖。在他眼中，外國人亦比較尊師重道及認真，「佢哋知道中國禮儀之後，會一路跟，同香港人有啲分別。」
他苦笑，許多香港人都以「過客」身份去學習功夫，「佢哋會覺得我畀咗幾百蚊學費，你就要教我。」有時更發生「教識徒弟冇師傅」的情況，「喺街見到你，都會扮唔識，掂行掂過。」
能令劉師傅讚口不絕，除了因為他們尊師重道外，更有着鍥而不捨的精神。Maurizio是意大利人，09年就開始來港跟劉師傅學習詠春，但師傅一直都未有將他正式收為徒弟。「因為佢嚟嘅時間係跟另一個外國人嚟，嗰個係佢師傅，但呢個人又係我徒弟，我唔想打亂晒啲關係。」結果在訪問當天，他的誠意打動了師傅，終於成為入室弟子。
而特地由英國來港6個月的Tim，最初在大學時接觸到中國功夫，後來在網上看到詠春的短片，就毅然隻身飛來香港跟劉師傅學習。「我喺師傅身上學到好多嘢，佢不單教我武藝，更教我咩叫尊重同埋應該點樣可以生活更好。」Tim眼神堅定，稱詠春令他獲益良多。
「比起香港人，外國人更積極用心。」劉師傅感慨的嘆了口氣，他指有些學生一年總會來香港兩次跟他習武研修。「叫佢唔好嚟，佢都係要嚟。」劉無奈的擺擺手，解釋不是他特別想教外國人，只是香港人「搵食」艱難，「又要返工，又要拍拖，咁多節目。」但忙碌，又是否一個理由令我們忘記要尊師重道呢？
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：https://goo.gl/j16mcF
|
鍾意就快D Share啦！
|
|
|
