周柏豪話翠如無論幾攰都好，一roll機就會相當投入。
藝人周柏豪出席Philips飛利浦全新聲波震動牙刷發布會，他在台上分享用此牙刷的心得。講到劇集《使徒行者2》的拍檔黃翠如被批評演技差，柏豪力撐：「呢個年代人人都可以為件事表態，有時可能喺網上討論區或者透過傳媒，佢哋為咗點擊率而寫，我覺得佢哋可以寫，但冇必要傷害人。其實我都有畀人講，但一樣嘢一定有人鍾意同唔鍾意，而唔鍾意嘅聲音一定係大啲。但我唔太擔心翠如，因為我哋都入咗行一段時間。（覺得翠如嘅演技點樣？）好好，就算佢連續9日通宵、每日瞓一、兩個鐘，雖然佢好攰，但一roll機就好專業，其實以佢嘅家庭環境，佢係生活無憂，但係佢都好努力，我覺得佢嘅演技喺感情方面或研究角色都好畀心機。」
拍續集要睇苗僑偉許紹雄
講到有傳劇集將開拍第三集，柏豪坦言：「我都有聽過，但未收到官方通知。（你喺劇中冇死到，可以拍第三集？）係呀，如果需要我。（你拍唔拍？）睇吓三哥（苗僑偉）同Benz哥（許紹雄）嘅期，佢哋先至係最重要。（馬國明喺結局嘅出現留下伏線？）多啲人更加正，故事多啲發展。（有傳第三集會係古裝？）係咩？咁多版本，網上都有傳我拒絕翠如係因為我鍾意徐天堂（袁偉豪於劇中嘅角色）。」他亦透露之後在內地五、六場巡唱會找來袁偉豪做嘉賓：「好想將我同佢喺劇中嘅關係帶上舞台，依家研究緊，佢都應承咗我有幾場做到嘉賓。」
來源 source: http://hk.on.cc
|
鍾意就快D Share啦！
|
|
|
