王浩信否認揸車接蔡思貝，並為女方護航。
人夫王浩信（Vincent）早前傳出拍攝無綫劇集《踩過界》期間，曾單獨與劇中演員蔡思貝打邊爐，及後更指浩信與太太陳自瑤婚姻亮紅燈，結果要浩信澄清。而今晚一對緋聞男女浩信及思貝齊齊現身無綫台慶亮燈活動，起初二人拍照時有輕攬兼有講有笑，未有半點尷尬，及後更雙雙受訪，浩信對於被指揸車到思貝家樓下，他表示當日只是在該屋苑附近泊車開工，寄望外界不要再有報道傷害同事，更揚言欣賞思貝，他謂：「佢好用心，所以唔好因為拍劇傾得多而有所誤會。（太太陳自瑤誤會？）梗係唔會，過兩日我哋有活動先講。」
見面唔尷尬
而思貝則澄清自己並非該屋苑住戶，當日亦只是於該處泊車，浩信聞言即謂：「你早講嘛！」思貝就坦言為此感無奈。問到與浩信再見面會否感尷尬？她謂：「唔會，拍劇咁耐係好拍檔。（同陳自瑤熟唔熟？）拍過一套劇。（你好惹是非？）拍一套劇就會有，之前拍《踩》劇都有同張振朗傳過。（覺得好無辜？）我學習緊點同同事相處愉快之餘，而又冇緋聞。」
唔會同女拍檔避嫌
至於浩信被問到會否因緋聞影響自己與太太的心情？他謂：「唔會，太太知我哋係朋友，第一日拍都一齊研究劇本，話唔係Friend都冇人信。（會唔會因為呢件事避嫌？）唔需要，套套劇都要避點會拍得好。」
兩公婆將現身闢謠
王浩信與陳自瑤周一（9日）下午到天水圍一商場出席活動，亦是二人自婚變的消息傳出後首度「合體」於公開活動現身。據知，二人席間會大玩遊戲，兩公婆拍住上齊齊搵真銀，相信會成為傳媒焦點。而陳敏之與囝囝雷子樂亦會出席同一活動。
來源 source: http://hk.on.cc
|
鍾意就快D Share啦！
|
|
|
