熱爆娛樂: 【鬥到出面】網民留言鬧吳若希「臭X」師妹林穎彤like咗！ _

2017年10月14日星期六

【鬥到出面】網民留言鬧吳若希「臭X」師妹林穎彤like咗！ __,吳若希,林穎彤,

吳若希(Jinny)啱啱喺10月10日宣布正式同Alex簽紙結婚(新聞連結: http://bit.ly/2ibh9K2 )，婚禮從簡，只係喺唱片公司舉行，喺律師同老闆何哲圖同朋友見證下就做咗人妻，而Jinny亦好快就繼續投入工作。

日前Jinny就客串咗最後一集《終極街頭魔法王》嘅錄影，一齊錄影嘅仲有阿Bob、林穎彤、魔術師甄澤權、何雁詩同6號等等，Jinny更好開心咁喺IG po咗張合照，舉晒v字手勢。

但係Jinny不嬲多haters，有網民就喺相片無啦啦留言「臭X」。

講真呢啲留言成日見，但係竟然有個artist對呢個留言讚好，呢個就係林穎彤（Bella）。林穎彤早喺兩個月前至簽咗加入星夢，同Jinny同一間公司，之前亦傳過Jinny擔心一姐地位被Bella搶走，唔通Bella真係咁急想踢走 Jinny？

林穎彤接受傳媒訪問時話同Jinny唔算friend：「我係簽咗星夢之後至認識佢（Jinny），我哋真正合作就只係今次，呢集佢係特別嘉賓，只係客串一集。佢係我師姐，我對佢印象好好，我都有聽《越難越愛》架！」但係 Jinny對佢印象點佢就唔清楚。

跟住問佢點解like咗個留言，林穎彤就好驚呀叫咗一聲反問：「我like咗個留言？唔係卦！」然後佢即刻check手機：「可能我按錯咗，唔怪得Louis send短訊問我係咪按錯嘢，但嗰陣凌晨我冇睇清楚。」到底真心like定咁啱按錯掣佢自己至知，但Bella就話會向老闆何哲圖同Jinny解釋喎！

	吳若希拍完《終極街頭魔法王》仲同Bella合照放上ig。(ig截圖)	有網民留言「臭X」(ig截圖)
Bella竟然喺嗰個網民嘅留言度讚好。(ig截圖)	Bella真係有like個留言(ig截圖)	吳若希同Alex早幾日至正式簽紙結婚，風雨中希望得到大家祝福。(ig截圖)
有份做《Ben Sir睇樓團》嘅林穎彤接師姐吳若希棒主持《終極街頭魔法王》，等師姐可以專心湊仔。 (資料圖片)	跳到帶都跌埋，Bella係落力嘅。 (資料圖片)