掃呢頁CODE去手機

2017年12月8日 星期五

【無綫頒獎禮】唔通真係分手?馬國明刻意唔望心穎BB __,心穎,心穎BB,無綫,馬國明,黃心穎,

43歲「圈中筍盤」馬國明多年被爆同心穎BB拍拖,初時二人好似糖黐豆咁,成日爭取時間見面,行街睇戲兼食飯,不過自從心穎傳同馬明拍拖後,形象健康咗,借馬明 ...




43歲「圈中筍盤」馬國明多年被爆同心穎BB拍拖,初時二人好似糖黐豆咁,成日爭取時間見面,行街睇戲兼食飯,不過自從心穎傳同馬明拍拖後,形象健康咗,借馬明洗底,上個月忽然傳出心穎BB開始對馬明忽冷忽熱,好少時間見面。

無綫今日公佈頒獎禮提名名單,心穎同馬明同場,二人繼續冇咩交流,馬國仲刻意冇望心穎,至於當《降魔的》嘅「石敢當」胡鴻鈞喺台上話會投「視帝」一票俾馬明,「視后」就會投畀同馬明有關嘅女人,現場即起哄叫「黃心穎」,原來心穎被安排坐喺馬明前一排座位,見心穎尷尬咁笑,而馬明就露出呆樣扮抹汗。

不過馬明接受傳媒訪問時,佢都有支持心穎,之但係覺得心穎算係新人,有提名都已經好叻,唔使咁大壓力,有冇獎拎都係睇運氣,自己都冇諗會唔會同心穎一齊拎獎,馬明對於自己爭視帝,成為大熱門,佢話都係平常心,覺得幾難捉,唔少競爭對手都有機會贏。

其實佢哋之前喺台慶嗰晚,全程感覺好生疏,同平時一齊笑晒合照,感覺好唔同,之後又傳二人感情有變,事後馬明解釋女友心穎要搵錢供樓,工作忙比較少見,講到佢哋係唔係認定對方,馬明竟然話唔需要交代得太清楚,總之下一步係結婚或者分手。

馬國明去年跟黃心穎合作劇集《為食神探》時已被爆撻着,女方主動出擊融化天然呆的馬國明,更有人見過黃心穎半夜載馬國明返香閨短敍。o依家忽然俾人感覺唔同咗,唔通真係咁快過熱戀期定真係分開咗!?


鍾意就快D Share啦!