2017年12月8日星期五

亞視幫抬頭？田蕊妮再爭視后讚自己叻！ __,亞視,視后,田蕊妮,

亞視幫抬頭？田蕊妮再爭視后讚自己叻！

曾封視后的田蕊妮今年再憑《迷》入圍「最佳女主角」，將與同是「亞視幫」的鮑起靜及江美儀齊齊爭視后，昨晚阿田到將軍澳電視城出席「TVB職藝員聯歡晚宴2017」，被問可覺「亞視幫」抬頭？她說：「唔好咁講，做演員唔好話係乜幫乜幫，最緊要係觀眾鍾意，個心係最重要，美儀同鮑姐都係出色演員，都好鍾意做戲。（睇好邊個？）睇好自己，因為《迷》係我演員生涯最難忘同最難嘅一個角色，亦係需要花時間抽離，依家就已經抽晒喇，拍完套戲個內心都想讚自己係叻嘅，不過獎嘅嘢有冇都好，拍呢個角色得到肯定已經好足夠。」

田蕊妮滿意於《迷》的演出，仲話畢生難忘。

而影后級的鮑起靜被問到外界認為爭視后應該難不到她時，她笑言：「仲難呀！叻同猛嘅演員都好多，自己喺無綫係新人，觀眾對好多演員都好熟悉同了解。」而美儀更同時憑《同盟》提名「最佳女配角」，她透露是第二次獲提名視后，笑言上次不知為何被提名。