天王郭富城（城城）以研創人身份出席自家護髮品牌發布會，他表示對頭髮非常着重，工作上經常要電髮及染髮，在背後花不少心機去保護。他直言以往代言廣告有很多，大家可能認為他成熟了不少，在各方面都有成績，而今次是演藝事業以外人生另一階段，去學習從商，利用自己多年經驗推廣有效品牌，又透露兩年前開始認識漢方中藥，完全認同以天然方法護理頭髮。
問可有白髮及脫髮問題困擾，城城說：「白頭髮最困擾地方係，之前拍嗰套電影造型要特別，所以每日都要燙夾頭髮，會好傷頭髮而令到開叉，而上年演唱會又漂咗個粉紅色頭，天然成分係有幫助。（全家受惠？）唔只我，仲有朋友。（會推出BB系列？）係好提議，但首先畀咗大人用先，因為BB髮質會有唔同，將來係可以發展。」
提到日前女兒Chant被影到，正面樣曝光，發現眼睛好大，城城說：「係大眼得意，佢依家三個幾月，開始同爸爸媽媽同外公外婆學習講嘢，我睇到佢開始識講『媽』，都覺得好奇怪，雖然唔純正，但係一件開心事。而自己一路忙工作，除咗演藝事業，都屬於有自己品牌，如果成功將來可能會交畀囡囡。（囡囡係咪好腳頭？）咁當然，好開心。（會唔會定日子分享女兒相？）都好，過多段時間等佢大啲先。」他透露剛拍完電影，在拍攝期間好多時要拍十多二十小時，太太便會拍下日常生活片段給他，在工餘時間可以睇。問聖誕節可有假期一齊過，他說：「今次應該有，電影都拍完，聖誕嗰兩日有啲時間享受天倫樂，過完就要準備去上海跨年演唱會。（帶埋女兒去？）太細，等佢大啲先。（安排外婆照顧？）始終一家人。」
問日前有報道指余文樂、沈嘉偉及他反面，城城說：「當然唔係，我同嘉偉識咗三十年，從來未聽過同未見過佢同人反面，我心目中佢係好人都好爸爸，每個人都幫，所以有呢段新聞我會用8個字形容『耐人尋味，啼笑皆非。』」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
