掃呢頁CODE去手機

2017年12月16日 星期六

曾意見分歧反面冇偈傾Shine重返戰場 唱到60歲 __,Shine,吳思佳,Shin,

■Shine成軍15年,徐天佑(左)和黃又南明年再有機會走在一起,於紅館開騷。攝影:仇志德【《蘋果》專訪】【我們的演唱會】成軍15年的男子組合Shin ...




【《蘋果》專訪】

【我們的演唱會】成軍15年的男子組合Shine早年曾經拆夥,引證香港樂壇的組合一向較難發展,不過最終緣份再令兩位成員徐天佑、黃又南走在一起,明年在紅館舉行演唱會。回想過去,天佑嘆謂:「成日話呢行係遊樂場,後來先知係戰場!」他又期待60歲時唱《祖與占》。

同是34歲的徐天佑和黃又南,在18歲那年組成Shine,明年是他們成立15周年,決定重組於3月踏紅館舉行「Shine Moments Live演唱會2018」,天佑更為此進行地獄式操弗。

其實Shine曾在07年拆夥,因為2012年應黃偉文邀請現身演唱會,勾起大家集體回憶,迴響大而決定合體開騷。入行轉眼15年,有甚麼想和當年18歲的自己講?又南接受本報專訪時說:「嗰時太細個,好多嘢好順利,覺得理所當然,經歷過之後,呢行係要積穀防饑,一定要不斷增值。」天佑則說:「嗰時成日話呢行係遊樂場,好開心,但過咗幾年,我同經理人講呢度係一個戰場。但咁多年後,畀我講番句,真係要當呢度係遊樂場咁玩,先至會有意義。」



■Shine在02年樂壇頒獎禮上橫掃不少新人獎。資料圖片 ■天佑直認和黃又南曾經鬧交,最後因為打機和好如初。資料圖片 ■2012年黃偉文作品展邀請Shine合體演出,引起很大迴響。資料圖片

天佑想過轉行

問當年為何選擇離開這個戰場?天佑說:「首先經歷公司變動,我哋去完台灣返嚟,出到街,啲人好似唔係好認得自己,因為太耐冇出新歌,唔知點去繼續打呢個市場,不如停一停。」

那麼可曾因為灰心失意想轉行?天佑承認:「我記得我試過,出道時最想有home studio,結果真係畀我儲到錢,喺屋企使好多錢去做,到06、07年決定唔做音樂,將屋企啲機啲線抆晒塞入床下底,有個心態好似情侶分手咁,跟住我走去寫吓小說做幕後,兜兜轉轉又做番幕前。」又南就沒有想過離開:「因為我好鍾意呢行,我係坐唔定啲人,你叫我返朝九晚五,我諗一早已經炒老細魷魚。」



■想過轉行的天佑曾經寫小說做幕後,兜兜轉轉又做回幕前。 ■又南憶述當年離開戰場,是因為覺得上台好刻板式唱歌。

打機撞到破冰

不少組合因不和拆夥,二人可有試過反面?天佑爆:「喺日本特訓時,因為生活習慣好唔同,試過嗌交佢話去助手度住,唔會嚟我度食飯。」天佑笑問又南:「你記唔記得我哋點講番嘢?過咗個幾禮拜,有日放學大家喺劍擊舖撞到,我話:『打機呀?』你話:『你𠵱家同我講嘢呀?』小朋友咁,之後大家原諒大家。」

可有想過之後15年的Shine會如何?天佑說:「記得有個做舞台劇朋友話:『喂,你60歲時唱《燕尾蝶》會點呢?』我即刻思考,60歲唱《祖與占》會點呢?所以如果15年後,好期待見到呢個畫面。」

採訪:余燕儀、懷鈺

化妝:Henry Tse of BigCstyling

髮型:Louis Tse of Number8 Hair Salon

服裝:initial Fashion




鍾意就快D Share啦!