2018年1月15日 星期一

【狗仔出更】真係細30年? 67歲徐少強孖大陸老婆玩嘉年華喪煲煙 __,大陸,徐少強,中國,

79年憑麗的電視劇《天蠶變》爆紅嘅徐少強,經歷過3段婚姻,佢同第二任太太雪梨89年分開之後,04年同細佢30年嘅大陸女舞蹈員結婚,兩個人再生咗一子一女 ...




79年憑麗的電視劇《天蠶變》爆紅嘅徐少強,經歷過3段婚姻,佢同第二任太太雪梨89年分開之後,04年同細佢30年嘅大陸女舞蹈員結婚,兩個人再生咗一子一女,大女今年13歲,細仔今年6歲。去年4月大陸傳媒報道話徐少強背住老婆搭上23歲大陸艷星羅雲琦(新聞連結: http://bit.ly/2AWHorb ),事後徐少強即刻同呢個艷星劃清界線,話同對方只係合作過拍戲,由於女方好主動經常黐埋佢度,又話要做自己助理,自己為免誤會,所以早已契咗女方做契妹。

雖然傳出緋聞,但未有影響徐大俠同太太夫妻感情,早年已經移居大陸嘅徐少強,日前同太太及一對子女現身香港享受天倫樂。

當日下晝5點,《蘋果》記者喺中環AIA友邦歐陸嘉年華見到徐少強同太太企喺吸煙區食煙,喺5分鐘內快食兩支煙,睇嚟煙癮都好大。食完煙之後,佢哋又企喺馬戲團門口好似等人咁,但見時間未到,兩公婆於是周圍行睇嘢,行到攰時再坐喺food court,老婆買嘢俾徐少強飲,對老公好體貼。再過一陣,徐少強起身四圍行,睇人玩機動遊戲,同老婆再行咗個圈之後,前前後後等咗個半鐘,再喺馬戲團門口會合一個女仔同個小朋友。個小朋友一出嚟就扭肚餓,徐少強於是同老婆帶小朋友買棉花糖,食完之後就離開。

《蘋果》記者其後聯絡徐少強,問到佢同太太去嘉年華嘅事,佢話:「係呀,我同太太同啲細路,同佢哋返嚟過聖誕過元旦之嘛,元旦後走。我喺橫店開緊工,放假幾日陪佢哋。」問佢最近拍咩戲?佢話:「拍緊李仁港嗰套《刺局》(電影),又拍緊橫店一套《木槿花之西月錦繡》,有兩個戲喺身。」會唔會返香港拍嘢?徐少強話:「或者會。」講到之前佢同大陸艷星傳緋聞,徐少強就話:「嗰啲笑話嚟嘅,佢都猛話唔好意思,佢話唔係佢傳出嚟,係上邊啲記者亂咁寫。」

精選娛聞,喺晒《娛果》

http://fb.com/appledailyent

(左圖攝影:吳耀輝、畢紹基) 兩公婆除咗有福同享,有煙都要一齊煲? 徐大俠夫婦「叉電」期間,男方仲攞手機出嚟撳咗一陣。
徐太行埋去睇咗幾眼 徐大俠打電話嘅姿勢又幾特別 食完煙,兩公婆一齊離開。
好有老夫老妻味 之後再坐低等時間過 徐太唔知講咩好激動,指手劃腳咁。
唔係鬧交嘅,睇佢哋咁平和個樣就知。 繼續hea… 終於接到啲細路,玩完就去買嘢食醫肚。
徐少強(右二)拍《天蠶變》拍到爆紅,之後仲演過唔少大俠片。(《天蠶變之再與天比高》劇照)

鍾意就快D Share啦!