掃呢頁CODE去手機

2018年1月15日 星期一

【數學題】着厚底鞋照矮林志玲半個頭 Baby真係有168cm? __,Baby,林志玲,志玲,Angelababy,

好多女孩子都鍾意着高跟鞋或者厚底鞋,希望令到自己看起來雙腳修長啲,個人望落又高啲咁,好似模特兒出身嘅楊穎(Angelababy),出道時就報稱身高有1 ...




好多女孩子都鍾意着高跟鞋或者厚底鞋,希望令到自己看起來雙腳修長啲,個人望落又高啲咁,好似模特兒出身嘅楊穎(Angelababy),出道時就報稱身高有168cm,但係佢依然好鍾意着厚底鞋,所以每次見到佢,大家都會好羡慕佢。

但係,Baby嘅高度,同佢有冇「變臉」一樣,經常成為大家討論焦點,就好似好小朋友兒時都會問過呢個問題:「爸爸、媽媽,究竟天有幾高呀?」答案就只有一堆問號。

最近林志玲同Baby一齊參與大陸嘅綜藝節目《王者進擊》,而林志玲就將一張同Baby嘅合照,貼咗喺微博,就係咁,Baby嘅高度又成為大家嘅焦點喇!

是咁的,同樣係模特兒出身嘅林志玲,身高175cm。

但係,佢同自聲有168cm、兼着咗有約5cm厚底波鞋嘅Baby合照時,林志玲都仲高過Baby半個頭。

數學題嚟喇,168cm加5cm等如173cm,即係話,Baby同林志玲合照時,應該有近173cm。

網民就覺得,如果呢個高度嘅比較,林志玲係冇理由會高Baby成半個頭,所以就開始質疑,Baby嘅身高,究竟有冇168cm。

其實之前都有網民曾話Baby只有159cm,咁結論何來呢,事緣,Baby任霆鋒節目《十二道鋒味》嘉賓時,見到Baby比霆鋒矮半個頭,而霆鋒身高有174cm,所以網民估計Baby身高只有159至160cm。



精選娛聞,喺晒《娛果》

http://fb.com/appledailyent

Baby愛穿厚底鞋,但林志玲都比佢高半個頭。 擁有175cm身高嘅林志玲,同168cm嘅Baby,企埋一齊...(林志玲微博圖片) 最近林志玲同Baby一齊參與大陸嘅綜藝節目《王者進擊》。
次次都係著厚底鞋 (資料圖片) (資料圖片) (資料圖片)
(資料圖片) (資料圖片) (資料圖片)
(資料圖片)

鍾意就快D Share啦!