柏豪真完美Carry比比鳥頭！
新一代「男神」周柏豪，繼去年參演無綫劇《使徒行者2》後，人氣飆升，成為影視圈搶手貨！目前至少有三部電影在手的他，身家三級跳，據知片酬已攀升過百萬一部。月初柏豪到上海橫店拍網絡電影《斗戰勝佛2》，戲中演孫悟空的他造型首度曝光，想不到連孫悟空的造型都是比比鳥頭！而合作演員還有張馨予、許聖楠等。
首次吊威吔
第一次拍古裝戲的柏豪，坦言感覺非常新鮮：「好多第一次，第一次拍古裝、第一次吊威吔、第一次黐頭套，我覺得好好玩。」本身有畏高的他，承認第一次吊威吔時，確實心驚驚：「不過試吊時，安全措施做到好足，拍得好順利，所以就唔驚。」續又透露電影開機之際，遇上落雨，拍攝過程頗艱辛：「因為我哋喺山上拍，成個山因為落雨變晒泥濘，我哋着住啲靴一踩落去，幾乎就要報銷，不過工作人員仲辛苦，因為佢哋又要冒雨搬機器，又要Set機，所以佢哋個個都着水靴。」
黐頭套唔甩髮
由於橫店現時氣溫僅得一度，柏豪坦言要捱凍，因為一班演員的戲服好薄：「我嘅盔甲有成30磅，但係皮唔保暖，有場戲要跳舞、要打就比較辛苦。」不少男星拍古裝戲最怕黐頭套會甩髮，但柏豪卻揚言不擔心，因為黐頭套的工序不是用太多膠水。雖然忙於拍戲，但柏豪已經就到深圳繼續其巡迴演唱會，之後還有佛山一站，月底又要飛到加拿大參與華人春晚演出，他說：「總之不用演唱就返橫店拍戲，好彩新年都有幾日假。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
