掃呢頁CODE去手機

2018年1月23日 星期二

陸永:寸阿叻遭照肺?陸永唔認被消失:我去廁所 __,阿叻,陸永,陳百祥,

陸永在fb作賽後檢討,再三強調冇被照肺!藝人陸永口才了得,在昨晚舉行的《萬千星輝頒獎典禮2017》節目中表現卻被指失準,除了將鮑起靜(鮑姐)講了「Be ...


陸永在fb作賽後檢討,再三強調冇被照肺!


藝人陸永口才了得,在昨晚舉行的《萬千星輝頒獎典禮2017》節目中表現卻被指失準,除了將鮑起靜(鮑姐)講了「Bell姐」外,又將《踩過界》講咗《誇過界》……不過,最令網民關注嘅係佢喺台上同陳百祥(阿叻)頒發「最佳非戲劇節目」獎時,阿叻講咗一句:「我份人好謙虛嘅!」之後陸永回了一句:「你喺謙虛呢方面都幾囂張!」可能陸永知道有啲失言,立即補飛話自己錯咗少少,不過有指阿叻黑住面話:「嗰啲唔係錯,係玩吓!」

fb作賽後檢討

事後,又傳出陸永喺後台被訓話,之後再上番台時已經笑容欠奉兼心事重重。今日陸永就喺社交網發文向鮑姐道歉:「多謝大家中(鍾)意《Do姐再Shopping》,做到一個大家中意嘅節目真係會好開心嘅,畢竟幕後團隊真係好辛苦畀咗好多心機,更多謝呢個節目令到我哋兩個夾咗十幾年嘅人,竟然喺步入中年嘅時候會遇到一個新拍檔,嘟姐,你走唔甩㗎喇!尋晚我太多蝦look(碌)對唔住各位,對唔住鮑姐,對唔住踩過界。」

擔心屈咗阿叻

另外,陸永在接受東網訪問時表示:「我冇唔開心呀,我係有啲擔心咁樣屈咗叻哥,因為佢係完全冇嬲,成件事係『冇寸方』和『被寸方』,點解網上炒到咁熱?只係一個討論區入面,一個朋友講咗段咁嘅嘢,但佢又冇片。仲有人話big big channel拍到我喺後台被人鬧,更加完全冇可能嘅事。至於嗰段嘢(得失叻哥嗰段片),佢一出場係講笑㗎,我係順住佢個笑再去講個笑,完咗大家都相安無事,應該話唔覺得任何有事!」

完全冇嬲成分

陸永續說:「我仲唔該佢,因為之前同佢度咗少少嘢,係等頒獎嘉賓出場會講,但佢都好識做,話因為頒獎禮重點係得獎嘅朋友,所以我哋希望留時間畀得獎朋友講嘢,佢都好快一次過連住頒,原本度咗嗰啲嘢都Cut咗,到完咗我都有同佢講冇辦法,大家都講唔到度咗嗰啲嘢,佢都好好話係要畀頒獎嘉賓講嘢,完全冇嬲成分。」

陸永表示要還叻哥一個清白,並指:「佢真係唔會因為啲寸親而嬲。同時,莫講話冇,如果真係有佢都唔會嬲,因為佢知係節目效果。問番佢我諗佢都覺得好笑。台上佢仲有話如果鄭裕玲唔做帶埋我走,佢嬲仲帶我去邊?太多誤會喇!」

C君證冇被照肺

對於有指他曾在台上消失,因在後台被照肺,陸永解釋:「我哋係去咗廁所。同時,點解有一段時間得鄭裕玲一個人喺台上主持?因為嗰段係鄭裕玲一個頒獎,個獎係好認真同嚴肅,佢係要自己一個人講幾分鐘嘢,個稿都係冇我哋㗎,唔通我企喺隔籬咩?費事擺我哋喺隔籬有種唔夠認真嘅感覺嘛。完全冇被照肺呢件事。事實我係要向鮑起靜同《踩過界》所有朋友講對唔住。」

陸永指自己係有蝦碌位的司儀:「我不完美,希望能控制現場氣氛,令節目流暢順利進行,如果可以畀到少量歡樂大家當然更好…」但他強調重要資訊絕對不能錯不能求其了事:「我讀錯咗兩個重要資料,雖然佢哋唔會怪,我但仲係想同《踩過界》同鮑姐講唔好意思。」

另外,C君受訪時亦否認被照肺,他表示:「唔係,冇咁事,落台係去廁所。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!