林利承認患直腸癌，不過已完成手術，現正康復中！
前小虎隊成員51歲嘅林利近年喺香港拍劇，憑住Chok爆型男Look形象，深得網友歡心！今日有指林利過去半年發現大便有出血情況，點知去睇醫生做檢查時，發現有直腸癌，仲要差唔多去到第三期。林利最後於上月月尾進行切除腫瘤手術，依家冇咩事，處於休息階段。今日佢就喺社交網表示：「癌症並不可怕，態度決定一切。」
樂觀面對嘅林利，經常喺社交網發放正能量，仲以「大叔日記」去紀錄佢康復嘅心路歷程，尋日佢上載自拍，精神唔錯嘅佢仲留言：「Morning...坐月子這一刀，知道媽媽的愛，是如此偉大。」早前佢亦上載同醫護人員影嘅相，留言多謝佢哋：「感恩默默付出的密友們，和從未謀面而又默默為我耕耘的醫療團隊…無聲無息地打了一場勝仗，今天我進歩了…^^大叔日記。」亦見佢手術前同媽媽「二人世界」，享受家庭樂。
另外，其實做完手術冇耐嘅林利，就喺2月2日為老友胡渭康做演唱會嘉賓，當時佢「忍着痛」同胡渭康唱《忍着淚說goodbye》，騷後胡渭康接受訪問時都話林利嗰陣啱啱做完手術冇耐：「佢啱啱先做完手術，叫佢嚟睇，但佢係都要上嚟，你唔好唱得咁大力添呀！」
來源 source: http://hk.on.cc
|
鍾意就快D Share啦！
|
|
|
