2018年2月16日 星期五

古仔煎糕 狗年高陞 __,古仔,古天樂,

【五福臨門】■肖狗的古天樂率五個小孩跟大家拜年,祝大家狗年高陞,恭喜發財。肖狗的古天樂今年10月踏入48歲,今日大年初一,曾合作拍電影《五個小孩的校長 ...




肖狗的古天樂今年10月踏入48歲,今日大年初一,曾合作拍電影《五個小孩的校長》的傅舜盈(嘉嘉)、何涴瀠(小雪)、陳麗兒(Jennie)、李詠珊(Kitty)和王詩雅(珠女)跟古仔拜年,平日不會入廚房的古仔,應節化身型男廚神,親自下廚煎蘿蔔糕,祝福大家狗年高陞,恭喜發財!

今日是戊戌狗年大年初一,生肖屬狗的古天樂日前約合作拍《五個小孩的校長》的女孩敍舊,見面前她們商量如何跟古仔拜年,嘉嘉說:「一陣要祝古仔哥哥生意興隆。」小雪就說:「咁我就祝佢心想事成!」Jennie和Kitty異口同聲:「我祝佢身體健康!」而珠女就儍氣問:「咁我講啲乜呀!」四女孩齊聲說:「你就講,快啲結婚派利是」

當古仔到達酒家後,問五個小孩有否掛念他?她們第一句卻老實不客氣說:「利是𢭃來。」古仔笑說:「唓,咁現實嘅你哋。」但他都順應民意大派利是,古靈精怪的嘉嘉即說:「古仔哥哥,你派利是喎!媽咪話結咗婚先派利是㗎喎!」古仔笑着說:「咁收番。」醒目的Jennie就說:「我哋好掛住你啊,你有冇掛住我哋!」𠱁到古仔即刻每人再派多一封利是。



【喜氣洋洋】

■珠女唔夠高貼揮春,古仔助她一把,現場充滿新年氣氛。
【豐盛過年】

■古仔親自下廚煎蘿蔔糕,五個小孩開心等食。
【一團和氣】

■古仔煎完蘿蔔糕,即與五個小孩一同開餐。
■古仔拍電影《五個小孩的校長》,跟她們建立了感情。劇照

最鍾意食膶腸

小雪問古仔農曆年鍾意食甚麼?他說:「膶腸呀,真係鍾意食膶腸喎,蘿蔔糕囉最鍾意食。」小雪表示自己也是最愛蘿蔔糕,她嬌嗲說:「古仔哥哥,你煎畀我食呀。」古仔即刻拿起鑊鏟:「我𠵱家整畀你食,好快!」古仔一邊煎糕,一邊跟她們傾偈,珠女問他平日有否下廚?古仔坦言:「平時真係冇喎,但新年煎吓蘿蔔糕都得嘅,又唔係好難。」小雪鬼馬問:「有冇試過帶你女朋友去拜年?」古仔大耍太極:「咦!喂,食得啦,啱啱好真係,食嘢啦喂。」



蘿蔔糕𠱁細路

鍥而不捨的小雪繼續追問:「咁你最尾有冇帶你女朋友去拜年?」古仔意圖用食物𠱁細路女:「食嘢!食嘢!」小雪堅持要答案,古仔笑笑口:「你問乜箒,聽唔到呀!」五個小孩一齊大聲問:「你有冇帶你女朋友去拜年?」最後當然是古仔勝出,沒被小孩成功逼供。

採訪:陳月媚、倩宜、蘇美怡

攝影:郭賢興、周樂恒

五個小孩服裝提供:baby Dior

場地提供:名廚




鍾意就快D Share啦!