恭喜發財！
農曆年開心喜慶日子，有咩好得過團拜丫。年初三，一班無綫藝人就聯群結隊去咗無綫高層樂易玲屋企拜年，真係好開心呀。好多仲係一雙一對咁出席，好似袁偉豪同張寶兒、陳展鵬同單文柔、劉佩玥同周志文、馬國明同黃心穎、楊明同莊思明、高海寧同鄧智偉，真係好旺場呀。其它藝人仲有陳山聰、莊思敏、張文慈、張致恒、楊潮凱、楊玉梅、袁文傑、林韋辰、林淑敏等，人多到真係數都數唔晒！
袁文傑將團拜相片上載到社交網，見到大合照時，2016年香港小姐冠軍馮盈盈，同埋蘇可欣仲坐正喺樂易玲身邊做左右護法，感情應該唔錯咁噃。一班藝人樂易玲家中由室內玩到戶外花園，真係好熱鬧，過年最重要一家人齊齊整整，高高興興嘛！
樂易玲回覆東網稱年年都係咁多人：「好開心，我不停開酒、煎年糕、炒有機菜、煲糖水出嚟招呼大家，現場仲有麥玲玲和李丞責師傅，啲女藝員個個圍住佢哋，問買樓、財運如何，而王浩信、梁烈唯又帶埋BB嚟，好熱鬧，我好多孫呀！（個個都一雙一對有冇催佢哋結婚？）見到佢哋快高長大、成家立室、開枝散葉我都好開心！」。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
