熱爆娛樂: 【流感肆虐】高燒安仔精神番食肉丸麵 Sammi戴住口罩蒸糕 _

2018年2月16日星期五

【流感肆虐】高燒安仔精神番食肉丸麵 Sammi戴住口罩蒸糕 __,Sammi,許志安,安仔,許冠傑,Sam,郭晉安,鄭秀文,

許志安患上乙型流感，因為高燒，要喺情人節入院留醫，今日中午就精神好轉就喺ig貼相，宣佈過年要休息，仲做唔到嘉賓，要缺席黎小田演唱會。

另一邊廂，Sammi鄭秀文當然有去探病啦，Sammi今日中午不停咁更新微博，佢話呢個乙型流感真係幾可怕，全身肌肉、骨痛、發冷、喉嚨痛又咳，Sammi仲透露安仔燒到39.7度，見到重病都嚇咗嚇，仲以為自己睇錯探熱針，要即時安排安仔入院，佢又話好彩醫生早一日處方咗特感福，希望快啲見效。Sammio依家口罩不離身，連屋企工人姐姐都係長戴口罩，Sammi下午去咗醫院探病，安仔食病人餐肉丸麵，Samm就食薯條同漢堡包。

下午先探病，咁上午Sammi做緊咩呢？佢都有喺ig話你知，原來佢今朝七點起身，喺屋企整蘿蔔糕，仲好足料咁有瑤柱、冬菇、蝦米等等，佢真係言出必行，成個下廚過程都有戴住口罩，唔怕受到傳染。

最港電影大獎投票網址

http://bit.ly/thekongestfilmawards

精選娛聞，喺晒《娛果》

http://fb.com/appledailyent

	Sammi去咗探病，見安仔精神咗，仲可以食到肉丸面，薯條同漢堡包係Sammi嘅。	Sammi話喺屋企長戴口罩，連煮嘢食都有戴住。
今朝佢7點起身整咗好多蘿蔔糕。