2018年3月24日 星期六

大開黃腔 森美孖陳豪配音再續「hehe」情 __,陳豪,森美,

森美講緊講喉核咋!藝人陳豪及森美到太古宣傳配音動畫電影《比得兔》,兩人即場玩扮聲遊戲,場面搞笑!今次他們延續電視劇的hehe情,森美笑說:「今次係he ...


森美講緊講喉核咋!


藝人陳豪及森美到太古宣傳配音動畫電影《比得兔》,兩人即場玩扮聲遊戲,場面搞笑!今次他們延續電視劇的hehe情,森美笑說:「今次係hehe、haha,充滿笑聲,佢聲演我表弟,聽晒我話,同劇集唔同!」第一次為動畫配音的陳豪表示要全程keep住高音,不再老牛聲,比平時高了個半Key,森美說:「開頭聽佢配音把聲以為係專業配音員,把聲完全唔似佢,驚一驚!下次佢唔使演皇帝,可以演公公!皇帝留畀我演,幫朕check吓!」

兩人接受訪問,陳豪直接配音相當困難,加上今次要聽英文翻譯及其他人配法更是難上加難,問會否不習慣如此高音?他笑說:「我以前沙聲好低音,但做咗手術之後已經高番,時高時低,我聲底其實係高key㗎!同埋有小朋友之後都慣咗高音,要講故事氹佢哋。」森美笑說:「我以為佢揸住自己個重要部位嚟配音,所以先咁高音。(講緊邊度?)男性會明白,男仔最突出嗰度,我講喉核呀!」

問到復活節會否陪小朋友玩?陳豪表示一家人經常一齊相處,但也希望安排時間出國旅行,並指三位小朋友坐飛機冇問題,大仔一歲前更已坐過三次飛機。日前前港姐劉倩婷為女兒開生日會,請了陳豪一家,有指倩婷女兒mark實陳豪大仔,陳豪即哈哈大笑,問有否找倩婷老公李丞責擺風水陣再追仔?陳豪說:「冇!邊有,不過我生仔能力較強,暫時二比一(兩仔一女)。」森美笑說:「佢生殖能力同兔仔一樣咁強,佢角色叫賓仔,真人係大賓,因為長大咗喇!我本身都強,但喺佢身邊都甘拜下風!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...