熱爆娛樂: 【老公影相出事】胡杏兒髮線後移M字額一句化解尷尬問題 _

2018年3月19日星期一

【老公影相出事】胡杏兒髮線後移M字額一句化解尷尬問題 __,杏兒,胡杏兒,

俾男朋友/老公揸機影相，真係一個考驗嚟。

胡杏兒前日喺ig貼咗張一家三口合照，喺老公Philip Lee(李乘德)生日會上，一齊抱住囝囝Brendan笑得好燦爛，成個feel好溫馨。

開完生日party，第二日由杏兒落廚，喺屋企繼續食，Philip影住杏兒個招積樣話多謝老婆煮出一餐好成功嘅肉卷同餡餅。點知出事喇……

網民見到呢張相，錯重點望咗落杏兒個頭箍Allback煮飯look，髮線原來好高，有人關心杏兒問係咪有咗BB壓力太大。杏兒見招拆招，喺微博開post回覆：「其實我的髮際線一直都這麼後，只是大家沒注意到而已，大家不用害怕，孩子照樣可以生。」完美運用關公技巧，一啲唔尷尬咁解決網民疑惑。

精選娛聞，喺晒《娛果》

http://fb.com/appledailyent

明明前日喺老公生日會好靚好溫馨。（ig圖片）	第二日喺屋企食飯，由老公操刀影相就出事，杏兒個Allback好突出。（ig圖片）	之前煮飯婆look嘅相，其實一直都係咁高。（ig圖片）
杏兒之後喺微博解釋一直都係咁，仲叫人唔好怕咗生仔。	再夜少少，呢次同葉璇影番自拍，成個feel又唔同晒。（微博圖片）