欣宜香閨首公開呀！
歌手鄭欣宜（Joyce）今年4月將在紅館舉行兩場演唱會，今次是她首度踏上紅館舞台，Joyce特別做了首新歌《鄭家詠》，新歌意思就是同事、朋友都會在鄭欣宜屋企唱歌、吹水，鄭家是團隊工作地方之一，又是聚會熱點，所以Joyce拍MV時，決定用朋友gathering的住家feel做主題，並請來圈中十位老友包括許廷鏗、陳慧敏、彭秀慧、林欣彤、JW、鍾舒漫、鍾舒祺、鄧小巧、王嘉儀及監製何山拉隊去鄭家拍攝。
各自各精彩
Joyce的香閨在新MV中首次曝光，其客廳五臟俱全，齊晒麻雀枱、遊戲機、仲有Joyce最喜愛的蛋黃哥公仔。十位朋友在Joyce家如無掩雞籠，打邊爐、打機、自拍、打波、睇電視，三隻狗狗包括Joyce的約瑟Professor、貴婦Piper及白色狗狗Biru則屬何山寵物；而Joyce在睡房錄歌時，Biru竟然毫不客氣瞓床聽Joyce唱歌。
「麻雀枱一定要入鏡」
由陳慧敏作曲、並聯同梁柏堅填詞的《鄭家詠》，節奏輕快，歌詞貼地抵死，自由奔放，仲形容朋友是mean精，Joyce就說：「我哋嘅團隊都工作繁忙、好有壓力，大家好認真做嘢係應該，但我覺得工作都可以好愉快，所以有時開會就話不如嚟我屋企啦，我哋煮啲家常便飯，飲碗湯，大家感覺都會開心啲；同埋我身邊啲朋友成日會嚟我屋企，我間屋就好似MV咁，呢邊有人打緊牌、打緊機，嗰邊又有人打緊邊爐，永遠都係好嘈、好熱鬧，我係好鍾意呢種感覺，所以首歌嘅副歌歌詞係：『我屋企係你屋企』，咁就不如嚟我屋企拍 MV，同埋錄音都係我間睡房錄。」Joyce笑說：「麻雀枱一定要入鏡，因為它太有親切感，而今次她還出動小學雞Ukulele，首次全曲自彈自唱。」
來源 source: http://hk.on.cc
|
鍾意就快D Share啦！
|
|
|
