立法會今日辯論議員謝偉俊代表調查委員會提出的譴責鄭松泰議案。謝偉俊表示，法庭有判決後，不代表立法會不能作出跟進，指建制派今次就事件進行調查時十分嚴謹，指投票時除考慮法庭判決外，亦要作出一個政治判斷，考慮社會上的意見。謝又說，鄭松泰是欺騙選民的高手，「翻舊帳」指2011年的一段網上錄音中，鄭松泰曾指「公眾是白痴」，承認自己是要與梁、游扮友好去「呃票」，謝向民主派議員說：「你哋再信佢，你哋真係白痴」。
民建聯黃定光表示，不明白鄭松泰作為議員，為何對中華人民共和國有如此刻骨的仇恨，形容「鄭松泰同許智峯突然間跳掣，知唔知跳掣係乜意思？即係短路，短路英文叫做Short」。
工聯會陸頌雄則指，建制派有責任將議會「歪風邪氣」撥亂反正，「因為巿民都睇唔過眼，有立法者公然侮辱我哋的國旗、區旗」。陸又指，鄭松泰與梁、游是一丘之貉，「根本無真心效忠國家」，反問：「即係你喺結婚場合，你會唔會特登將妻子幅相倒轉嚟放，將妻子屋企人個名當笑話去講？」
陸又指，鄭松泰出任議員一年多，「佢有咩代表作？除咗倒插國旗，大家都無乜記得」，指民主派應該與鄭松泰「割席」，支持譴責動議。
民建聯「元秋」蔣麗芸則指，鄭松泰知法犯法，「事實上係罪無可恕」，認為立法會必須對行不檢議員提出譴責，又指鄭松泰被判刑後拒絕悔改，「呢種情況要罪加一等」，「巿民個心係雪亮的，你唔好真係當巿民唔知發生乜事啊」。她又指，鄭松泰自以為是香港人的英雄，但其實是「狗熊」，「鄭松泰10幾年前曾經北京讀書，佢話自已點解變成咁，係因為唔鐘意香港好似大陸咁，我明白，但佢知唔知大陸有啲發展已越超咗香港、超越咗世界水平？」
立法會主席梁君彥指，譴責鄭松泰的議案，要獲三份二出席會議的議員支持方能通過。最終在民主派反對、建制派支持下，譴責動議以39票支持、25票反對，遭到否決，鄭松泰得以力保立法會議席。
譴責鄭松泰議員表決結果
反對（25票）：
民主黨（7票）、議會陣線（6票）、公民黨（5票）、專業議政（5票）、工黨張超雄、陳沛然
贊成（39票）：
民建聯（12票）、經民聯（5票）、工聯會（5票）、自由黨（4票）、新民黨（2票）、謝偉俊、何君堯、勞聯潘兆平、廖長江、田北辰、陳健波、馬逢國、陳振英、姚思榮、吳永嘉、謝偉銓
沒有參與表決：
熱血公民鄭松泰、經民聯石禮謙、民建聯陳恒鑌
(註：立法會主席梁君彥按慣例不投票)
|
鍾意就快D Share啦！
|
|
|
