大台最近熱播嘅《深宮計》，除咗胡定欣、劉心悠、陳煒呢班女主角搶鏡。二缐角色一啲都唔輸蝕架！好似飾演四司房嘅羅霖、張慧儀、康華、張文慈，個個年過四十以上，但勝在保養得宜，全部都稱得上「美魔女」黎架！
論姿色，四個都不相伯仲。但講到身家呢⋯⋯竟然爆大冷，由康華跑出。唔知大家仲記唔記得，四司個個都係選美出身。52歳嘅羅霖當年參選亞姐，大熱姿態攞冠軍。46歲嘅張文慈同樣選過亞姐，一樣係46歳嘅康華都係港姐出身，至於44歲張慧儀就係選華姐入行。唔講唔知！論身家豐厚，四司入面最有貨嘅竟然係康華。
齋睇表面，個個都以為係曾經做過少奶奶，平時又周身名牌嘅羅霖最有貨。但《壹仔》翻查資料，原來羅霖冇磚頭揸手。相反一直只係配角位嘅康華，12 年靜鷄鷄買入兩個荃灣朗逸峯單位，仲要將佢打通，幾豪氣呀！係人都知磚頭保值，康華手上嘅兩個單位夾埋市值超過$2300 萬，平時出入都揸住架價值60萬嘅AUDI代步，真係估佢唔到
康華之所以儲夠彈藥買磚頭，勝在有先見之明！早喺05 年，康華已經北上搵人仔，主打做三、四缐角色，嗰陣康華香港、內地兩邊走，密食當三番。直到15 年，康華拍完《刀下留人》正式脫離大台，全力返內地發展，繼續密密做。揸住手上嘅磚頭，康華絕對係單身貴族！
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
