熱爆娛樂: 【爆相爆片】58歲陳嘉上拖細30年大陸演員女友遊港送埋上酒店 _

2018年5月30日星期三

【爆相爆片】58歲陳嘉上拖細30年大陸演員女友遊港送埋上酒店 __,大陸,中國,

58歲導演陳嘉上，執導多年，97年憑《飛虎》拎過最佳導演，99年憑《野獸刑警》拎過最佳電影。當年陳嘉上拍《小男人週記II 錯在新宿》認識前妻陳慧儀，但最後離婚收場。陳嘉上近年將工作重心北上，感情生活變得低調。

讀者馮先生早前透過爆相爆片，目擊導演陳嘉上於晚上7點幾，同一位擬似大陸後生短髮女現身尖東區某間屈臣氏購物，之後再行去酒店，齊齊搭lift上房。

馮生先講述經過：「我見到佢哋嘅時候，個女仔揀緊啲藥，我見佢買咗啲類似腸胃嘅藥，佢哋兩個有傾有講，傾得好開心。個女仔係大陸妹嚟嘅，因為我聽到佢講國語，個樣好後生，望落得廿幾歲。見佢5分鐘已經買咗10件8件嘢，好快手，之後個女仔去畀錢。」

相中所見，陳嘉上身邊嗰位戴黑框眼鏡嘅妙齡少女，衣着打扮好casual，拉住個自由行必備嘅拖喼。而馮先生就話二人離開連鎖店之後，就一齊行返去附近嘅酒店：「佢哋經過條巷時，可能嗰度暗啲，就開始拖手，一直拖到門口而分開手，我見住佢哋一齊行入lift。」

據知，短髮女子係28歲大陸演員夏沫僑（前名為李欣燁），係陳嘉上現任女友。夏沫僑11年有份參演陳嘉上執導電影《畫壁》、《四大名捕》系列，近年陳嘉上雖然將工作重心放喺大陸，但不時都要回港處理寰亞事務，呢次就可能帶埋女友返香港遊玩。

精選娛聞，喺晒《娛果》

http://fb.com/appledailyent

陳嘉上感情低調，但最近被發現帶同女友一齊回港。（讀者提供圖片）	陳嘉上同女友入咗一間連鎖藥房。（讀者提供圖片）	 讀者馮先生話見到佢哋買腸胃藥。（讀者提供圖片）
 只係行咗5分鐘已經買咗10件8件嘢。（讀者提供圖片）	 陳嘉上女友打扮好casual。（讀者提供圖片）	 回程途中，兩人拖手返酒店。（讀者提供圖片）
 陳嘉上好gentlemen咁送女友返上房。（讀者提供圖片）	 夏沫僑11年拍電影《畫壁》，就係由陳嘉上執導。（微博圖片）	 （微博圖片）
 （微博圖片）	 夏沫僑以前叫李欣燁，演過《四大名捕》系列。（微博圖片）