掃呢頁CODE去手機

2018年5月13日 星期日

【栢芝自揭與母複雜關係】栢芝媽點慶祝母親節?「都係咁啦」 __,栢芝,張栢芝,

張栢芝媽媽戴莎莉、石詠莉(Sukie)、關寶慧及SuperGirls嘅Aka,噚晚喺銅鑼灣出席潘紹聰嘅《恐怖在線》十周年活動。栢芝媽話佢同潘紹聰認識多 ...


張栢芝媽媽戴莎莉、石詠莉(Sukie)、關寶慧及SuperGirls嘅Aka,噚晚喺銅鑼灣出席潘紹聰嘅《恐怖在線》十周年活動。栢芝媽話佢同潘紹聰認識多年,對方過去舉辦過多次去泰國嘅探靈同祈福團自己都有參加,佢話自己好鍾意睇靈異嘢,覺得好刺激。

最近劉美娟出新書《擁有失去》,披露了不少與栢芝媽的小故事,包括當年雙親離異,栢芝媽曾想過唔要個BB(即栢芝),另栢芝又憶述母親離家時,佢偷偷將儲埋多年嘅幾萬蚊俾媽媽,寫字條謂希望媽媽「有機會嘅時候帶我走」,令人惻然。(文章連結: https://bit.ly/2GcTYFg )

噚晚活動上,問栢芝媽如何同女兒慶祝母親節?佢就話:「都係咁啦,食餐飯。」咁栢芝會唔會買禮物畀你?佢話:「會嘅,不過未知係咩,最緊要大家身體健康。」咁近來有冇見過一對孫仔?佢話:「OK嘅,佢一得閒就會帶嚟畀我見。」

至於單拖出席嘅Sukie就話老公鄧健泓忙緊幫佢做新專輯,所以冇現身:「我就快會有新歌推出,遲啲仲會出新碟,今次新碟會有好多全新創作嘅歌。」Sukie透露兼任唱片監製嘅鄧健泓要求好嚴格,並笑言:「佢會不停鞭策我,嚟緊佢都會繼續做新歌,我雖然唔係監製,但都會喺佢身邊,鞭策番佢。」



潘紹聰嘅《恐怖在線》十周年,噚晚喺銅鑼灣舉行慶祝兼宣傳活動。





栢芝最近在劉美娟新書《擁有失去》大爆不少母女秘密。 (資料圖片)

鍾意就快D Share啦!