現時在樂壇已是歌王級數的張敬軒，外人眼中的他屬吸金王，加上投資瓣數多，既是錄音室老闆，早前開埋懷舊西餐廳，沒想到他近年才買磚頭置業。日前軒仔接受東網專訪，首度公開承認近年在香港首次置業，遲遲先上車全因「冇首期」！他說：「我入呢間公司（英皇）前係冇物業，亦冇置業概念，但入咗公司後老闆就要篤住我要我買樓。」
軒仔的「千萬處男屋」是在天后廟道、樓齡過半百的千呎唐樓，是當年他搬到香港區租住的第一間屋，難怪視為「發迹屋」，軒仔說：「即係我唱《酷愛》嗰年，喺嗰度經歷咗『張勁囂』嘅花名，同人生第一次上紅館開騷，由2007年到2010年係人生發生最多事，包括結識契爺契媽、搞廣州錄音室，呢間屋承載咗好多回憶。」
收入不穩銀行難貸款
事隔五年後買回「發迹屋」，軒仔相信是一種緣分，因前業主是一對已移居加拿大的老夫婦，對方不只一次主動越洋聯絡他賣盤，第一次推辭了，他解釋：「因當時我冇買樓嘅打算，香港地租屋抵過買，其實主要係嗰舊錢（首期）好大，加上幾萬蚊可以租幾千萬物業，但係買幾千萬物業要畀好多首期，銀行唔係咁易貸款畀我哋呢行嘅人，因收入不穩，按唔得多。」
月花20萬租屋冇眨眼
直到三年前老夫婦再次聯絡軒仔，當時他才認真考慮，笑言因經常被老闆鬧亂花錢：「佢成日話呢行花無百日紅，佢見得好多，話我唔喺佢旗下時冇得講，喺佢旗下，佢都想我有樓、有揸拿。」楊受成甚了解軒仔的「脾性」，早年軒仔每月花18萬元租住摩星嶺三級歷史建築文物別墅，兩年租金就花掉400多萬，他更愈住愈豪，現住到上半山豪宅，月花20萬交租依然「冇眨眼」，單單多年來的租金已足夠買樓。
見到軒仔「有出冇入」，身為老闆當然睇唔過眼，由於唐樓樓齡高，銀行最多按五成，以市值1,500萬計算，至少付750萬首期，軒仔承認「首期」全靠老闆幫忙：「我係情願手頭有現金嘅人，買樓畀晒首期嘅話就清袋。（係老闆幫你首期？）係呀！」講到現時樓價高企，物業應該已升值幾倍？軒仔笑說：「冇諗過賣嘅，依家租咗出去，諗住將來留嚟養老過世！」
---------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
