HotCha好快就開騷喇！
組合HotCha為6月初舉行的10周年演唱會宣傳，成員張紋嘉（Crystal）透露Rundown已準備好，又會推出一首快歌。張惠雅（Regen）說：「我哋搵番一開始就幫我哋錄音嘅監製Edward Chan，好期待大家聽到。特別係快歌，已經5年冇出過。監製都有問我哋好多意見，例如鍾意咩曲風、排舞上希望帶畀觀眾咩感覺。」黎美言（Winkie）強調她們一直很喜歡快歌，就算未合體都會經常聽：「監製想今次嘅快歌好Loop，佢想帶最新嘅嘢畀我哋，好期待新火花。」
問到重新記歌詞可會很難？Regen自爆以前試過寫歌詞在手上：「但都會唔記得，所以好驚唱番咁多舊歌。」Crystal亦笑言對某些舊歌失去印象：「咩嚟架呢隻？唔記得咗。」至於這次可有性感演出？她們就自誇是小兒科：「最性感莫過於我哋都着過三點式。（可以再性感？）配合番啲衫啦，同埋跳舞要小心走光。」Crystal指她們以前不太注意，曾遇上論盡場面：「我哋今次冇講過要特別性感，不過都可能會，你哋入嚟睇就知！」Regen聞言笑說：「我哋不嬲係Sell性感，唔嚟睇真係嘥晒！」
來源 source: http://hk.on.cc
|
鍾意就快D Share啦！
|
|
|
