講起星爺嘅戀情，真係十隻手指都數唔晒架！有羅慧娟、朱茵、莫文蔚、趙薇，個個有樣有身材。不過行得最耐嘅，就肯定係有錢女于文鳳喇！
99 年星爺同于文鳯比人踢爆同遊日本，戀情開始曝光！咁多年黎，星爺一直保持低調，未有親口承認過呢段關係，不過大家都心照其實佢哋都成日比傳媒撞破拍拖撐枱腳，但次次都堅持前後腳出入，不知幾小心！
01 年星爺開拍《少林足球》，比人影到同趙薇拖手，緋聞傳到似層層，趙薇仲因為咁同富商男友葉茂青分埋手。 另一邊廂，于文鳳出招，02年入主星爺公司「星輝」做投資顧問，掌握星爺嘅財大權之餘，順便近距離𥄫實男友。之後于文鳯頻頻幫星爺掃入磚頭，全部有賺冇蝕。04年星爺用咗3 億2千萬買入山頂「天比高」地皮，之後起別墅出售，利潤相當豐厚。有于文鳳睇實盤數，星爺身家不斷暴漲，外界都一致認定于文鳳絕對稱得上星爺嘅賢內助！
直至10 年，有傳于文鳳因為默默守候星爺身邊十幾年，仍然得唔到「周太」名份，終於忍痛分手。分手冇耐，于文鳳就有新戀情喇！近年同廖創興主席大仔Andrew 拍拖，感情仲好穩定。雖然于文鳯同星爺已經係過去式，但兩人依然仲有瓜葛。12年于文鳳入稟高院，向星爺追討投資佣金7000萬，官司至今仍未擺平。 同時于文鳳首次承認同星爺關係，透露兩人97開始拍拖，10年3月分手，拍拖13 年。
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
