陳煒早前大屋搬細屋，由租金7萬幾嘅鰂魚涌豪宅，搬去月租二萬嘅油塘屋苑，不過你唔好以為佢唔掂，其實佢係應使則使咋！
陳煒喺大台劇接劇，除咗依家播緊嘅《深宮計》，佢今年已經拍完同黃智賢嘅《好日子》，依家同期趕緊兩套劇，分別係《危城First Lady》同《多功能老婆》。密食當三番，收入點都唔會太差。愈搵到，佢反而住得愈平民，由1200呎、月租7萬幾嘅鰂魚涌西灣臺1號豪宅，搬咗去月租二萬左右嘅油塘屋苑。
原來陳煒覺得一個人住，間屋唔使太大，而且屋苑舊年先至落成，夠晒新淨，最重要係近TVB，方便開工。依家佢事業行先，仲話自己得兩個興趣，除咗鍾意煮嘢食，佢最熱愛演戲，所以日日開工都冇問題，佢當係享受。不過捱更抵夜始終辛苦，佢都唔會待薄自己，所以呢幾年都坐價值60萬嘅七人車，有司機車出車入。咁識錫住自己，難怪咁多年身材外貌都冇走樣，一樣都咁弗啦!
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
