童年時代的富豪劉鑾雄（大劉）要一家人睡地板，要幫手做洗衣、煮飯、砍柴等家務，所以大劉童年時過得挺艱苦。不過後來走上千億富豪之路的大劉，希望幫助到更多年輕人可以脫貧，他由96年開始成立慈善基金，又以媽咪命名成立劉葉淑婉紀念自修中心送暖。而近年大劉大病初癒，將慈善基金事務全部交由太太甘比（陳凱韻）推動，前日端午節前夕舉辦「粽有你心」活動，由甘比帶隊去了位於深水埗的劉葉淑婉紀念自修中心派糭。
逾600戶家庭受惠
甘比今次帶同大女秀樺一起派出了2,400隻糭，除了派發糭券外、更有湯券及特別訂製的購物車等實用物品，捐贈至超過600戶貧困或獨居長者家庭。每位長者最少可得四隻糭，其中兩隻糭是有鮑魚和瑤柱，可說是富貴糭。
購物車方便長者
其實，老人家最開心是收到特別設計的購物車，甘比表示：「其實係平時做慈善活動時留意到嘅，禮物有一定重量，尤其對長者都幾吃力，所以我哋諗到訂製購物車畀佢哋。呢款購物車與普通嘅購物車唔同，車轆係特別設計，可以輕鬆方便上落樓梯，尤其係呢區，唐樓比較多，對長者嚟講呢款購物車更加有需要。」
甘比昨早在Ig貼了幾張活動中的照片，她留言：「祝大家端午節快樂！昨天帶了小朋友們到深水埗派糭給公公婆婆們，很有意義及開心，希望大家也擁有一個溫暖愉快的節日！」
昨日問她為何帶埋女兒去派糭？甘比表示：「想佢明白幸福非必然，要佢知道社會上有好多人要幫忙，希望佢大個保持一顆善心，繼續幫助有需要嘅人。囡囡噚日都覺得做呢啲事好有意義，以後佢都想跟我一齊去幫人。」
採訪：鍾國仁
|
鍾意就快D Share啦！
|
|
|
