【爆相爆片】
現年40歲的汪琳是無綫前「電波少女」成員，離開娛樂圈後專心做賢妻良母。汪琳跟圈外商人老公張忠弦育有6歲女兒，現終於成功追到「慈姑椗」，日前更被本報讀者直擊陀着9個月孕肚，由司機護送修甲。汪琳事後受訪更宣佈生完仔便封肚：「我都一把年紀，收爐」
汪琳於96年無綫藝員訓練班畢業，由於她的外表弱質纖纖，所以大部份的角色都是楚楚可憐，最叫觀眾印象深刻的，就是跟梁雪湄、梁佩盈、任港秀、翟佩雲、李思蓓、姚樂怡等組成「電波少女」，曾幾何時大受宅男歡迎。08年汪琳跟拍拖五年的圈外商人張忠弦結婚，囡囡張梓彤（Kesha）現年6歲，13年宣佈跟無綫結束16年賓主關係，逃離娛樂圈數年的她，早前透露懷有身孕，預產期是7月尾，但一直拒揭盅胎兒性別。
| | |
與職員熟絡
現為少奶奶的汪琳，早前被本報讀者李小姐透過「爆相爆片」直擊，她陀着孕肚現身銅鑼灣一間修甲店。肚大如籮的汪琳日前大約下午三時許，戴着口罩現身修甲店，李小姐指汪琳應該是熟客，因見到對方與職員好熟絡：「佢個肚超大，聽到佢同美甲師講話隨時生得，仲話呢胎生仔，但唔好講同人講。」李小姐指汪琳花了45分鐘修甲，扮完靚就匆匆離開：「聽見佢用英文講，叫司機喺樓下等佢，家庭環境都應該幾OK。」
對於被讀者爆今胎生仔，日前汪琳接受電話訪問無奈表示：「咁都聽到，真係隔牆有耳。其實冇乜所謂，仔女都開心，等咗咁多年，個女都就快7歲，始終兩個好啲，有人陪吓個女。」問到成功追到兒子，老公是否最開心？她笑說：「開心啩！」今次高齡懷孕生第二胎，40歲的汪琳直言生完仔就封肚：「我都一把年紀，收爐」
僅小康之家
至於有司機接載被指生活少奶奶，汪琳卻強調只是小康之家，她說：「咁老公做中港生意，成日唔喺香港，有乜事都會多個人照顧。好似日前囡囡燒到近40度，我仲要喺醫院頻撲，勞勞碌碌影唔到，剩係影我嘆世界。」問到為甚麼如此貪靚？她說：「因為生之前要拆晒啲gel，因為要夾手指公，但其實未生得，今次真係去整靚甲。」
汪琳於14年時曾不幸小產，當時已懷孕六、七周，可能胎兒未穩定，當日她出席活動後返家，感到身體不適入院，可惜胎兒最後都不保。幸汪琳性格樂觀，加上有女兒做心靈雞湯，傷心過後走出陰霾。早年汪琳接受訪問表示，一直想為女兒添多個弟弟或妹妹，如有機會再懷孕她會很小心：「唔好走動太多囉，上次我冇就住，懷孕後仲有抱個女，又跑又踎，有咗唔應該咁大動作。」當時汪琳還指生仔生女沒所謂，但女兒想要妹妹，老公就想要兒子，笑言最好生龍鳳胎。而現在終於夢想成真懷第二胎，達成老公追仔願望。
採訪：嵐山
|
鍾意就快D Share啦！
|
|
|
