掃呢頁CODE去手機

2018年6月12日 星期二

好友齊賀旗艦店開幕 黎姿被伊健林曉峰搞喊 __,伊健,林曉峰,黎姿,鄭伊健,

■當年合拍《古惑仔》電影嘅伊健(右)同林曉峰神秘撐場,令黎姿驚喜萬分。
■當年合拍《古惑仔》電影嘅伊健(右)同林曉峰神秘撐場,令黎姿驚喜萬分。黎姿(GiGi)噚日以老闆身份到尖沙嘴為旗下醫學美容旗艦店舉行揭幕禮,除好友張可 ...


黎姿(GiGi)噚日以老闆身份到尖沙嘴為旗下醫學美容旗艦店舉行揭幕禮,除好友張可頤、林保怡、向海嵐、伍詠薇同張晉到賀,曾合拍電影《古惑仔》系列嘅鄭伊健同林曉峰更以神秘嘉賓身份現身,黎姿激動到眼泛淚光話:「呢兩個真係請都請唔到,唔好要我喊」

自胞弟黎嬰發生車禍後,黎姿代弟打理公司,到今日發展到上市,黎姿致辭時感慨話,自己從人手管理到會計財務學到好多知識,亦希望做到良心企業醫學美容:「我要特別感激身邊兩位重要人,第一個係我細佬,因為佢開始咗呢個醫學美容平台,畀我發揮創造自己空間。第二個係我老公,佢畀咗好多自由空間我去發揮,發展今日更好嘅GiGi。」



■黎姿同林保怡合作拍劇集《金枝慾孽》,更為佢帶嚟視后寶座。

■黎姿同林保怡合作拍劇集《金枝慾孽》,更為佢帶嚟視后寶座。
■向海嵐同張晉齊撐黎姿。

■向海嵐同張晉齊撐黎姿。
■鄺文珣退出娛樂圈做幸福人妻。

■鄺文珣退出娛樂圈做幸福人妻。

向海嵐后冠放保險箱

單拖現身嘅張晉指老婆蔡少芬有工作在身,佢笑住話自從識到太太至識得護膚;前港姐向海嵐對於楊婉儀抵押后冠話:「有留意新聞,但冇聯絡。唔覺得可惜,后冠一直俾人感覺唔值錢,我當年就話值160萬,自己一直將后冠放保險箱,其實抵押后冠就好似大家抵押物業咁,唔需要特別去睇。」

撰文:馮仁昭




鍾意就快D Share啦!