掃呢頁CODE去手機

2018年7月5日 星期四

幫老公追個小情人?翠翠宣佈封肚:冇計劃要第3個 __,翠翠,葉翠翠,

■葉翠翠噚日抱住小小王子出院,老公就負責抱大仔。
■葉翠翠噚日抱住小小王子出院,老公就負責抱大仔。現年36歲嘅葉翠翠舊年4月同老公周曉東(Raymond)生咗「小王子」周津羲(Jake),上個禮拜六佢 ...


現年36歲嘅葉翠翠舊年4月同老公周曉東(Raymond)生咗「小王子」周津羲(Jake),上個禮拜六佢再為周家添咗個九磅重嘅「小小王子」。噚日翠翠出院,着咗件灰色露肩裙同四吋高踭鞋,老公Raymond抱埋囝囝Jake接佢,即場仲錫咗老婆一啖。

翠翠話小小王子改名責任交咗畀老公:「老公噚日諗到一個英文名『Titus』,上網發現係牌子名就打消咗念頭,我諗佢要再諗多幾個月,我諗冇用,佢唔理,佢好主觀,同埋都會算命。」



■翠翠大仔首次見到細佬,充滿好奇。互聯網圖片

■翠翠大仔首次見到細佬,充滿好奇。互聯網圖片

難分心照顧

問翠翠會唔會再追個女?翠翠表明封肚唔再生:「唔會喇,兩個都攞命,今次陀B好攰,仲要照顧大仔,我個心好唔舒服,因為抱唔起佢,兩個夠喇,我鍾意女,但我覺得呢個社會好危險,生女就多樣擔心。」佢又笑住話:「意外都要避免,老公都想追個小情人,但如果唔係女,又係生仔,我諗拆咗間屋都似。」翠翠今次都係開刀生,講到上次局部麻醉,痛到標眼水,所以佢今次同醫生反映,聞住氣就冇咁痛,BB出世都冇錯過。

撰文:馮仁昭




鍾意就快D Share啦!