新一輯嘅流行經典50強，唔見咗湯寶如，原來佢花時間鑽研甜品同蛋糕。近日仲參加一個焙烘嘉年華攪嘅蛋糕選拔比賽，贏咗可以出戰米蘭。
為咗呢個比賽，佢秘密練兵幾個月，本身畫畫叻嘅湯記，鍾意做歐陸款式，好精緻嘅蛋糕。日前佢參加嘅蛋糕比賽喺會展舉行，主題係香港文化同傳統，佢以廟宇為作品題材，做出榛子味嘅蛋糕。因大會要求嘅主題唔係佢擅長嘅款式，最後雖然落敗，但有評判讚湯記個蛋糕係幾個作品中，最好食嘅一個。
湯記第一次參賽雖然落敗，但佢話純為取經，再接再厲，亦多得佢老公鼓勵多啲參加比賽，睇下人哋嘅作品，先可以推動自己進步。「用咗兩星期時間，但其實時間唔夠。要一報名就著手整，要用三個月時間籌備。
今次係我第一次參賽，仲要係一個選拔賽，自己抱住心態就係大膽，無論幾唔靚都好，純粹係一個經驗，盡咗自己力就算，贏輸對我而言只吸取經驗，至在參予項目。」
來源 source: http://nextplus.nextmedia.com
|
鍾意就快D Share啦！
|
|
|
