黃子華前晚在紅館為一連26場的最後一次棟篤笑「金盆𠺘口」揭開序幕，席間他狂爆金句諷刺時弊，論盡香港的熱門話題，政治、民生，甚至娛樂新聞都一網打盡。首場尾聲，子華用了近12分鐘評論08年發生的「閃卡」事件，他說︰「要封殺陳冠希，因為我哋睇咗人哋唔係公開上映嘅戲……」
| | |
呼籲放生
子華首度為陳冠希平反︰「佢整電腦變咗俾整蠱，但嗰班受害人『s』，變晒被告『s』，然後受審、受判，甚至『受摺埋』。最陰功仲要個個要走出嚟認錯，陳冠希教識咗全香港，唔好亂咁整電腦……咁多年，香港冇人走出嚟同佢平反，因為邊個平反，邊個就係變態！係性變態！」又指如果有人選特首，政綱是「領養穿山甲，放生陳冠希」就好了。
之後子華又談到王家衛︰「好多香港電影人好唔鍾意王家衛，因為佢蝕大本？唔係吖，小弟都拍咗套叫《一蚊雞保鑣》，收咗五位數字，但蝕大本都冇人憎我喎……我收咗人哋嘅資本，我想回本，回唔到箒！但王家衛好似唔係好想回本咁喎！呢個係香港資本主義嘅反骨仔，係jetso嘅無間道！」
寸爆馬雲
子華又寸爆之前馬雲打贏甄子丹的微電影《功守道》，他說︰「打完《戰狼》吳京、甄子丹、李連杰囉，馬雲咪就係唔知乜叫做『面斥不雅』囉……一個有錢人打贏晒所有高手，即係話只要肯埋單，唔怕唔夠班……」觀眾掌聲如雷。
尾聲時，子華清唱了幾句「勞碌半生忙打拼，想喺太平盛世，做個小明星，贏咗有糖，時光荏苒……」唱到此處，子華突然哽咽唱不下去，要用紙巾印一印眼睛，停一停等心情平復。
採訪：王連連、曹家誠
攝影：沈健程
【狂爆金句】「性工作者勁過獸醫」
黃子華開騷當然妙語連珠，令人拍案叫絕，以下節錄了部份金句。
講陳冠希︰你有婚前性行為，就唔可以做娛樂圈。
講妓女︰性工作者勁過獸醫，你行入去就係野獸，行出嚟就做番個人。
講前特首︰你唔生性又講一句「梁振英係好嘢嚟嘅！」但係冇得連任，共產黨冇眼光
|
鍾意就快D Share啦！
|
|
|
