愛情能令你離開香港嗎？
今年26歲的香港女生Katie，父母分別在她18和20歲時相繼離世，男朋友之後亦與她分手。
在雙重打擊下，她似乎沒有對愛情失去信心。因為自己對韓文有興趣，在學習的過程，她透過「語言交換」手機應用程式，認識了當時在港工作假期的南韓男生李光善。
「我覺得佢心地好好，而佢亦好識關心人。」漸漸地，Katie被李光善的善良吸引。兩個人都愛喝綠茶牛奶、喜歡吃米線、喜歡看書，各種共同愛好把兩人的距離逐步拉近。
韓劇般的浪漫情節
雖然母語不同，但坐在一起靜靜地看書，已經可以是他們的共同語言。拍拖短短半年，已到談婚論嫁的階段。
「當日佢知道我父母都已經走咗嘅時候，佢就當場喊咗出嚟。」Katie很自卑，起初不敢向李光善坦言家事，害怕他會介意並離開。但男方沒有介意之餘，更藉此承諾給Katie一個溫暖的家：「她的父母不在，我想給她一個家，因為我愛她。」李光善用普通話腼腆地說，更答應Katie結婚後留港生活，但可惜，生活往往卻是計劃趕不上變化。
遠嫁南韓 不如想像中美好
結婚後，李光善的父母卻要求兒子回到南韓，接手家族的民宿生意，他無奈之下向女友表示要回到南韓生活，Katie雖然感到愕然，但「嫁雞隨雞」，最終亦在去年跟隨丈夫移居南韓慶州。
「佢哋屋企喺慶州做民宿，對住海又有海鷗，第一次去到會覺得好靚、好舒服。」但實際長住下來，Katie的幻想破滅了，因為房子位置偏遠，每次買東西都要個多小時車程，而且當地人不愔英文，溝通比較困難：「嗰度大部分人都唔識講英文，我初初去到嘅時候，有啲嘢要去聯絡政府部門，佢哋係唔識英文，變咗大家係雞同鴨講！」
除此之外，文化上的衝擊亦令她更厭惡當地：「南韓人係好鍾意隨街吐痰，但佢哋覺得無問題，喺香港只有阿伯先會咁做，不過佢哋連後生嘅靚仔靚女都會隨街吐痰！」
「所以去到先發現，唔係想像中咁美好，雖然大家都係亞洲人，好似好協調，但原來真係有很多事係協調唔到，我要去適應。」
心中最愛還是香港
生活上的不便、語言的障礙、文化的衝擊，再加上典型的婆媳關係，都令Katie無時無刻想回香港：「佢媽媽性格比較急燥，例如喺廚房，叫我幫佢攞辣椒，但我聽唔明，我就望住佢，跟住佢就愈講愈大聲，重覆用韓文講辣椒、辣椒！」
「由我結婚開始我就想住喺香港，由頭到尾我都係想留喺香港，而不係去咗嗰度覺得唔好，所以先想返香港，因為我一直都覺得，自己嘅地方最好，有朋友、親戚，又有好嘅工作，唔想放棄咁多。」她由衷地說。
適逢回歸廿一年，當很多人都想移民離開香港的時候，今集《港。故》就帶大家看看，一個遠嫁南韓卻仍心繫香港的90後港女故事。
-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb
|
鍾意就快D Share啦！
|
|
|
