掃呢頁CODE去手機

2018年7月1日 星期日

【爆相爆片】唔使請工人 大肚鍾嘉欣親自接載囡囡放學 __,嘉欣,鍾嘉欣,

鍾嘉欣樂於做賢內助,照顧屋企同囡囡一腳踢。(圖片由讀者提供)
現年34歲嘅鍾嘉欣喺2015年做咗幸福人妻,秘嫁比佢年長13年嘅脊醫老公Jeremy,生咗得意囡囡Kelly後,今年3月再宣布懷有第二胎,「處女黨」班 ...


現年34歲嘅鍾嘉欣喺2015年做咗幸福人妻,秘嫁比佢年長13年嘅脊醫老公Jeremy,生咗得意囡囡Kelly後,今年3月再宣布懷有第二胎,「處女黨」班姊妹都話要向佢取生仔經。

懷有7個月身孕嘅嘉欣現正喺溫哥華專心養胎,日前《蘋果》讀者胡小姐透過「爆相爆片」直擊嘉欣喺溫哥華嘅生活實況。胡小姐透露喺上月底喺Richmond區見到嘉欣揸車湊囡囡放學,素顏戴住眼鏡嘅嘉欣穿上一條白色連身鬆身裙,大騷長腿,雖然腹大便便,但一啲都唔錫身,一手抱住囡囡上車,盡現母愛。胡小姐話﹕「當日大約下午三點幾,佢一個人去接囡囡放學,見佢囡囡都好乖,冇扭計跟實媽咪。嘉欣亦係慈母型,成日接囡囡返學放學,有時就兩公婆一齊接送。」

據聞嘉欣同老公為未夠兩歲嘅囡囡Kelly選讀當地一間私人開辦嘅幼稚園,由於係小班教學,每班只有6至7位小朋友,但就有三名老師照顧,所以學費都唔平,每月大約要1,600加幣,約9,600港元。由於加拿大人一向好少請工人姐姐,所以接囡囡返學放學,同做屋企家頭細務都係由嘉欣負責,真係做足賢內助本份。



精選娛聞,喺晒《娛果》 http://fb.com/appledailyent

鍾嘉欣樂於做賢內助,照顧屋企同囡囡一腳踢。(圖片由讀者提供) 鍾嘉欣懷有7個月身孕,但手腳仍纖瘦。(圖片由讀者提供) 鍾嘉欣懷有7個月身孕,但手腳仍纖瘦。(圖片由讀者提供)
嘉欣抱住囡囡上車。(圖片由讀者提供)

嘉欣抱住囡囡上車。(圖片由讀者提供)
嘉欣喜歡加拿大嘅休閒生活,有時間就同腹中BB及囡囡Kelly一齊去公園曬太陽。(ig圖片)

嘉欣喜歡加拿大嘅休閒生活,有時間就同腹中BB及囡囡Kelly一齊去公園曬太陽。(ig圖片)
嘉欣初期懷孕時,都有同家人一齊去沙灘耍樂。(ig圖片)

嘉欣初期懷孕時,都有同家人一齊去沙灘耍樂。(ig圖片)

鍾意就快D Share啦!