熱爆娛樂: 【囡囡曝光】返老婆家鄉擺酒郭富城放下天王身段舉杯暢飲 _

2018年7月1日星期日

【囡囡曝光】返老婆家鄉擺酒郭富城放下天王身段舉杯暢飲 __,郭富城,

郭富城（城城）喺去年4月低調迎娶比佢細22歲嘅大陸嫩模方媛(Moka)，當時城城只係請咗幾位圈中好友張智霖、沈嘉偉、排舞師Sunny Wong等做兄弟。唔經唔覺，城城嘅囡囡Chant已經9個月大，近日網上流傳一批城城返大陸補擺喜酒嘅相同短片，見城城笑得開懷，滿場飛舉杯敬酒，不停說﹕「「謝謝，大家吃個飯，慢慢吃。」

唔知今次城城係為囡囡Chant補擺滿月酒，定係補擺結婚酒？但就見社交網嘅地標係內地嘅蕪湖市，即係城嫂方媛嘅家鄉。話晒天王駕臨，唔少鄉親都有到賀，仲喺社交網出Post呼朋喚友前去集郵。片中所見，城城同方媛穿上黑色「情侶裝」，見有人影相，城城亦開心舉V笑晒口擺Pose。而小主角Chant就著住一條白色裙仔，頭髮濃密似足Daddy，城城一手抱住囡囡，即表現興奮擘晒口畀表情氹囡囡開心，一臉慈父有女萬事足咁樣。

精選娛聞，喺晒《娛果》 http://fb.com/appledailyent

不停有賓客敬酒，城城都樂此不疲。(互聯網圖片)	 城城抱住囡囡真係一臉慈父樣。(互聯網圖片)	 明知有人影相，城城仍開心舉V，同老婆方媛越來越有夫妻相。(互聯網圖片)
 城城不停叫大家「慢慢吃」。(互聯網圖片)	 城城與方媛嘅家人影合照。(互聯網圖片)	 城城放下天王身段，與眾同樂。(互聯網圖片)
 唔少鄉親都有到賀，有指今次係為城城同方媛囡囡擺滿月酒。(互聯網圖片)	 城城去年結婚只邀請幾個圈中好友做兄弟，十分低調。(互聯網圖片)