掃呢頁CODE去手機

2018年7月14日 星期六

【方東昇入老人院實習】點解一定要五花大綁?《長命百二歲》值得反思 __,方東昇,

(電視截圖)
無綫主播方東昇之前主持《世界零距離》系列而人氣急升,佢喺節目大抛爛gag金句,唔少觀眾都覺得佢好風趣,最近佢又有新作推出,今次佢同老前輩李德成、黃曉瑩 ...


無綫主播方東昇之前主持《世界零距離》系列而人氣急升,佢喺節目大抛爛gag金句,唔少觀眾都覺得佢好風趣,最近佢又有新作推出,今次佢同老前輩李德成、黃曉瑩主持《長命百二歲》,呢個節目係探討世界各地嘅人口老化、同埋老人家晚年生活嘅問題,由新聞及資訊部製作。繼續由方東昇聲音導航。

查實此節目喺今年3月已經喺財經資訊台推出,嗰陣喺不同時段以專題形式喺新聞節目播出,每一集大約係兩至三分鐘,當時已有不少迴響,事關「昇爺」又玩金句,好似其中有一幕李德成喺後面趕上嚟,昇爺搞話:「慢慢嚟,唔使急,我哋唔會催人,歲月先有資格催人」,仲有「想食乜可以自己揀,所以食嘅都係開心樂園餐」等等!

該節目於翡翠台播映嘅版本,就係一連10集嘅半小時版。噚晚播映最後一集,內容講香港老人院嘅問題,昇爺今次做咗護理員,去老人院實習,好似點解多咗老人家被「五花大綁」,李德成亦都親身上陣試被綁。喺生活同膳食上所面對嘅問題,同埋喺前嗰集講到,喺台灣嘅䕶理員係親手幫老人家洗澡,但係喺香港,好多護理員都會戴住膠手套去做。

之後亦都問訪問到院舍有個超過100歲嘅婆婆Amy,佢會唱歌俾院友聽,亦都幫佢哋解答問題,之不過講到已經過咗長命百歲,佢都話:「夠老喇,唔想再要幾多歲,最好家吓就上天堂!」喺舊年11月,婆婆Amy亦「移民」咗去天堂。

最後一集,請來了73歲嘅波姐馮素波,為節目畫上完美句號。原來波姐對呢個婆婆Amy有好深嘅印象,將來有機會演老人家嘅角色,都會搵佢做參考。已經係「御用婆婆」嘅波姐話:「舊時啲人點解叫我哋要珍惜,不過嗰陣覺得佢哋好煩,但係o依家邊個約我,我盡量都會去赴約,因為我驚住夜晚瞓著覺,可能聽日會唔喺度。做人唔好咁大安旨意,唔係一定老㗎嘛!」憶及故友,波姐忍不住淒然淚下。

波姐又說:「有一日,我細佬問我,『家姐你諗住做到幾時先退休?』如果我能夠郁到、講得到,我諗公司都需要呢啲人瑞去拍戲啩?」仲即時清唱《問我》,似乎係代表自己嘅心聲!

另一方面,婆婆Amy嘅姪仔今日都有喺fb留言:「雖然大姑媽在上年尾已上了天堂,但有賴無線方東昇特意打電話比姑媽先前住嘅老人院,叫通知姑媽家人留意電視播嘅長命百二歲,令家人可以從電視看到一百歲姑媽嘅風彩,真心感謝方東昇先生。」

精選娛聞,喺晒《娛果》

http://fb.com/appledailyent

(電視截圖) 方東昇喺節目做咗護理員,探討吓老人院嘅情況。(電視截圖) 方東昇喺節目做咗護理員,探討吓老人院嘅情況。(電視截圖)
認真工作(電視截圖)

認真工作(電視截圖)
喺節目度都有提到台灣嘅護理員幫啲老人家嘅沖涼方法。 (電視截圖)

喺節目度都有提到台灣嘅護理員幫啲老人家嘅沖涼方法。 (電視截圖)
同時亦有提香港嘅處理手法!(電視截圖)

同時亦有提香港嘅處理手法!(電視截圖)
方東昇喺節目度都提出咗唔少問題俾大家反思!(電視截圖)

方東昇喺節目度都提出咗唔少問題俾大家反思!(電視截圖)
李德成試吓被綁嘅感覺!(電視截圖)

李德成試吓被綁嘅感覺!(電視截圖)
方東昇喺前幾集都有試!(電視截圖)

方東昇喺前幾集都有試!(電視截圖)
過咗100歲嘅Amy婆婆喺舊年「移民」去天堂!(電視截圖)

過咗100歲嘅Amy婆婆喺舊年「移民」去天堂!(電視截圖)
波姐話將來做老婆婆嘅角色,會搵Amy做參考!(電視截圖)

波姐話將來做老婆婆嘅角色,會搵Amy做參考!(電視截圖)
波姐喺40歲就做婆婆角色!(電視截圖)

波姐喺40歲就做婆婆角色!(電視截圖)
波姐話冇諗過退休呢個問題。(電視截圖)

波姐話冇諗過退休呢個問題。(電視截圖)
諗起故友,波姐都忍唔喊!(電視截圖)

諗起故友,波姐都忍唔喊!(電視截圖)
波姐喺節目清唱《問我》。(電視截圖)

波姐喺節目清唱《問我》。(電視截圖)
婆婆Amy嘅姪仔留言感謝方東昇。(fb截圖)

婆婆Amy嘅姪仔留言感謝方東昇。(fb截圖)

鍾意就快D Share啦!