張景淳好開心網民咁喜歡佢。
藝人張景淳早前於劇集《愛．回家之開心速遞》飾演「龔燁」一角而人氣急升，但因為工作關係，當時佢要暫時離開劇組，搞到成班網友大呼不捨，發起「工業行動」要求景淳快回家！
估唔到網民呢股力量咁快就成功，景淳向東網透露即將回家，繼續同飾演「熊若水」嘅呂慧儀再擦出火花，他說：「好開心，因為大家都好歡迎我返嚟，真係好似返屋企咁，同埋好鍾意拍攝呢個感覺，因為有呂慧儀呢個好好嘅對手，同佢演戲係好好玩，因為佢真係畀到好多嘢出嚟嘅一個人，每日對戲時都有好多即興嘅嘢，令到我每日都好期待，所以能夠返去真係好開心。」
講到網民好期待佢返嚟，佢話好似圓咗粉絲嘅願望咁：「因為我走嗰陣就話有工業行動啦，講咗咁多個月，終於發生咗，令到我拍攝時好有動力，好期待出街時粉絲嘅感覺同埋回響。上次我係比較傷感咁離開，今次我繼續會同呂慧儀做冤家，故事亦有唔同嘅走法，希望大家留意！」
來源 source: http://hk.on.cc
|
鍾意就快D Share啦！
|
|
|
