掃呢頁CODE去手機

2018年7月31日 星期二

【獨家】周迅四年婚姻分居期佔兩年?傳同性好友與高聖遠共度難關 __,高聖遠,周迅,

(資料圖片)
現年43歲、敢愛敢恨兼性格很爽朗嘅周迅,2014年嫁美籍華裔演員高聖遠後,婚後兩年已經斷斷續續傳出過兩人離婚嘅消息,但兩位當事人都係否認。不過,《蘋果 ...


現年43歲、敢愛敢恨兼性格很爽朗嘅周迅,2014年嫁美籍華裔演員高聖遠後,婚後兩年已經斷斷續續傳出過兩人離婚嘅消息,但兩位當事人都係否認。

不過,《蘋果》最近收到消息,佢兩公婆確實係搞緊離婚,因為佢哋喺杭州領證,所以要搵日去當地簽番紙先可以完成離婚手續。

據知情者稱,其實佢哋已分居兩年幾,高聖遠依家都係住台灣同美國兩邊,好少留喺大陸,兩個人都知文化唔同,溝通有問題,所以已經同意辦離婚,只待適合時機,方正式向外公布。

知情者稱,高聖遠已經有自己打算,佢喺台灣生活了一段時間,識咗好多朋友,所以不愁寂寞,其中有個靚仔洋人同佢都好夾,大家都玩得好埋,經常會相約一起飲酒。

至於留喺大陸發展嘅周迅,一樣唔使愁,因為近年佢同王菲囡囡竇靖童嘅忘年之交,關係真係仲親過屋企人,有時童童都會喺周迅屋企過夜,反而唔返媽咪王菲屋企瞓。所以想像到佢哋感情有幾好。

其實2013年周迅戀上高聖遠時,隔年就話要結婚,有朋友已經擔心會唔會太衝動,畢竟一個長居美國,一個長居大陸,一個係講英文,一個講普通話,溝通已經係一個問題,唔好講其他生活習慣同唔同不過當時沉醉愛河嘅周迅點會理呢啲勸阻,結果婚後呢啲問題就浮現晒出嚟,佢哋兩個都有努力去嘗試去遷就對方,但發現真係唔得,男方兩年前就提出不如分居俾大家諗清楚可唔可以再喺埋一齊,到咗上年高聖遠就直接提出不如簽紙離婚,但周迅一直未諗好,所以始終未肯去辦手續離婚。

直至佢同童童「姊妹感情」越嚟越好,開心同唔開心嘅時候都可以有童童同佢分享,好似今年頭過農曆新年,原本應該係由佢老公高聖遠陪佢返鄉下探父母,結果老公冇影,反而係童童捱義氣,陪佢返老家陪兩老過年。

如果周迅想放假去旅行,只要童童有時間,都會陪佢去,周迅開始發現冇咗老公喺身邊嘅日子一樣過得去,所以最近終於諗通,肯下定決心搞離婚

蘋果今日問周迅嘅經理人徐時芬,周迅同老公高聖遠係咪搞緊離婚?而高聖遠喺台灣係咪有新對象?佢答:「我在開會,這個事情我不太清楚。」再問佢周迅同童童係乜關係?佢依然係話:「我在開會。」

精選娛聞,喺晒《娛果》

http://fb.com/appledailyent

(資料圖片) 周迅2014年嫁美籍華裔演員高聖遠,《蘋果》最近收到消息,佢兩公婆搞緊離婚(資料圖片) 周迅2014年嫁美籍華裔演員高聖遠,《蘋果》最近收到消息,佢兩公婆搞緊離婚(資料圖片)
據知情者稱,其實佢哋已分居兩年幾,高聖遠已經有自己打算(資料圖片)

據知情者稱,其實佢哋已分居兩年幾,高聖遠已經有自己打算(資料圖片)
留喺大陸發展嘅周迅,一樣唔使愁,因為近年佢同王菲囡囡竇靖童嘅忘年之交,關係真係仲親過屋企人(資料圖片)

留喺大陸發展嘅周迅,一樣唔使愁,因為近年佢同王菲囡囡竇靖童嘅忘年之交,關係真係仲親過屋企人(資料圖片)
如果周迅想放假去旅行,只要童童有時間,都會陪佢去(資料圖片)

如果周迅想放假去旅行,只要童童有時間,都會陪佢去(資料圖片)
高聖遠同一名外籍人士好夾,經常會相約一起飲酒。(IG圖片)

高聖遠同一名外籍人士好夾,經常會相約一起飲酒。(IG圖片)

鍾意就快D Share啦!