2018年7月20日 星期五

楊思琦當年被綁凌辱真相 巴打:消失半個鐘純傾偈? | C9頭條 | __,思琦,楊思琦,

思琦真相
楊思琦當年被綁凌辱真相 巴打:消失半個鐘純傾偈?書展正式開鑼,楊思琦亦有到攤位宣傳新書,由於反應太過熱烈,所以好大機會會加印。不過,銷量再勁亦不及書中 ...


楊思琦當年被綁凌辱真相 巴打:消失半個鐘純傾偈?



書展正式開鑼,楊思琦亦有到攤位宣傳新書,由於反應太過熱烈,所以好大機會會加印。不過,銷量再勁亦不及書中講到的內容震撼,皆因思琦於書中就自爆自己最接近死亡的一次,原來同鍾嘉欣有關!




最尾有片!

昨日書展開鑼,楊思琦今年推出人生首本寫真集終於開售,思琦妹亦有親身到攤位宣傳新書,更引來幾十名龍友爭住影相,同時亦有過百人排隊等買書,正式開售5分鐘便立即截龍,場面墟冚!



楊思琦現身書展

出發到會展前,思琦妹仲特別提早於發售的寫真集上簽定名,認真體貼用心。



據知,首日發售量相當驚人,出版商雖已印了10000冊寫真集,但因反應太過熱烈,所以好大機會會加印!



楊思琦與李嘉欣有親戚關係

除咗首次出寫真集就有咁好成績,思琦妹更於書中大爆自己原來同大美人李嘉欣有親戚關係,指對方是她姑媽的姨甥女!





A post shared by (@michele_monique_reis) on





楊思琦自爆最接近死亡的一次

另外,思琦妹更自揭自己於13年前,曾經歷人生中最接近死亡的一次!她指當年正在廣州拍攝電視劇集《人生馬戲團》,思琦妹生日當晚劇組幫她舉行生日會。



於是,她和大家一起到卡啦OK慶祝,仲表示成件事都好窩心,但當慶祝完正離開卡啦OK時,一班人在從泊在對面馬路的客貨車中拉開門衝出來,而且每個人手中都拿着武器,成件事好似拍戲咁,令思琦妹感到好驚!



但思琦就透露當時馬上與鍾嘉欣一齊拔足逃亡,連拖鞋都甩掉,再指自己幸得嘉欣死拉住腳軟的她,一齊逃到草叢才有幸保住命仔!



思琦更話自己當時親眼見到那群兇神惡煞的人只懂一邊震,一邊用雙手掩口,一粒聲都不敢發出,仲話以為自己會死。最後佢同嘉欣一齊最少躲了半小時,認為是自己人生中最漫長的半小時,因如在倒數人生!



楊思琦獲稱「寫真戰」中最索

另外,當提到另一位推出寫真集的女星松岡李那,指思琦妹是今年「寫真戰」中最索的一個,思琦妹則感謝對方讚賞,並謙虛指唔覺自己最靚,但得對方稱讚感到好開心!

松岡李那


對於擔唔擔心衣著暴露拍照讓女兒看到,楊思琦就話:「因為是健康的泳裝,她看到也說媽媽很漂亮,很好看,她也想跟我一起拍照」,不過暫時未有拍親子寫真的想法。



童顏誘惑

得天獨厚有不老童顏、又keep fit有道,話雖下月就滿40歲,不過思琦妹在逼爆小背心下仲係滿瀉少女味。



囡囡話靚

寫真遠赴馬來西亞五日四夜拍攝,出動大量Bikini、小背心及睡衣上陣,思琦妹就話部分相有畀囡囡Krystal過目:「佢睇完都話靚!」



楊思琦寫真床照先睹為快

楊思琦早前宣布推出首本個人寫真集《Miss Szeki 2018》,「39+1」之齡身材依然keep得超好,皮膚白滑,仲有多年不變的標緻童顏,大家睇到目定口呆!今次思琦再有寫真床照讓大家先睹為快,見到佢身穿喱士白底在床上,唔似一女之母,極盡少女誘惑!



如果朝早起身見到呢一幕,你會點?


係咪有啲反地心吸力?


呢個角度真係無得輸⋯⋯


換一換髮型!


同沙律撞泳衣

講開又講,楊思琦寫真入面其中一件白色喱士通花泳衣,竟然同另一位寫真女郎張沛樂(沙律) 撞到應,沙律著上同款泳衣,大晒33E導彈「胸」器!一個媽媽級風韻猶存,一個26歲索女青春無敵,大家鍾意邊個多啲呢?



同場加映:

楊思琦39歲首出寫真

 於2001年港姐競選中奪冠,入行多年拍攝過多部劇集,現為一女之母,不經不覺今年8月便踏入40歲!不過「39+1」又有咩好怕?楊思琦今年推出首本個人寫真集《Miss Szeki 2018》,佢早前赴馬來西亞五日四夜取景拍攝,換上差不多20套靚衫,當中不乏小背心、泳衣、睡衣等性感造型!

楊思琦

有冇啲想跟佢出門口?


童顏依然 噴血身材依然

楊思琦多年樣貌身材都keep得非常好,34D、24、34身材噴血依然,出名童顏的思琦仲係成個後生女咁,實在令人羨慕!思琦回覆傳媒時表示以前一直想推出寫真,為青春留倩影,不過以前在TVB時未有機會。剛巧有出版社早前搵佢,所以就一拍即合!



Sell美感 非賣弄性感

楊思琦又稱今次拍攝過程都頗為辛苦,因為要由朝曬到晚,幸好拍攝效果相當理想,攝影師將自己最靚、最自然的一面呈現出來。思琦同時強調寫真集唔係賣弄性感,而係以美感為主;另外亦有文字配合,跟讀者分享自己在不同階段的成長及內心世界。



大家又聽下鍾嘉欣點講 :

Cap by:東方新地、instagram、、Facebook








鍾意就快D Share啦!