2018年8月27日 星期一

港姐2018:雷莊𠒇卸任走人勁興奮 網民:好行唔送 __,港姐,

雷莊𠒇正式卸任,佢話沒咩值得傷心,因為總係對下一個事情更加興奮!港姐選舉尋晚圓滿落幕,即係意味上屆港姐冠軍雷莊𠒇(Juliette)正式卸任!早前已經 ...


雷莊𠒇正式卸任,佢話沒咩值得傷心,因為總係對下一個事情更加興奮!


港姐選舉尋晚圓滿落幕,即係意味上屆港姐冠軍雷莊𠒇(Juliette)正式卸任!早前已經講過唔會留港發展會返加拿大生活嘅佢,尋晚就難得現身公仔箱,為港姐冠軍加冕!事後,佢已經急不及待喺Instagram用法文留言「Et c'est fini!(結束了!)」仲上載與同屆亞軍何依婷及季軍黃瑋琦合照,有網民笑言唔講都唔記得係邊個!雷莊𠒇仲喺照片上寫咗「on to a new life(一個新的生活)」!而今日佢再用英文發長文講卸任感受,仲話「我從一開始就已經倒數」,唔少網友都留言:「好行唔送,再見!」、「究竟佢做過啲咩?」不過仍有好多人支持佢,叫佢勇敢追夢,去荷里活發展要加油,仲話「阿𠒇 我會不捨得你的」!

雷莊𠒇長文如下:

好多人問我卸任嘅感覺,Well~你可以從我面上嘅笑容睇得出,我真係好開心終於完成!如果你真係了解我,你會知道點解(當時機成熟嘅時候我就會公開)。但係我從一開始就已經倒數,點解?因為我總係對下一個事情更加興奮,就好似大學時夢想可以表演嘅感覺咁!真係好正,但我有更大嘅夢想,我一直以來都冇變過都係同一個人,忠於自己!我認為沒咩值得傷心,不久之前我就已經準備好繼續向前行了!

仲有人攞佢頒獎前嘅內心獨白同今屆司儀兼2015年港姐冠軍麥明詩做比較!

雷莊𠒇:

喺過去一年,對我嚟講好值得紀念,好多謝屋企人朋友支持我嘅fans,我感恩我經歷咗好多,學咗好多嘢,而且喺呢個過程入面,我認識到我生命中最好嘅朋友,依家我開始新生活嘅時候,我都會記得呢個咁精彩嘅旅程,我祝願新一屆嘅香港小姐,可以發放更多正能量,令大家變得積極同自信。

麥明詩:

一年前喺呢度講過要「賢良淑德」,今日我喺呢度加多句要「始終如一」。呢一年港姐畀咗我好多千載難逢嘅機會,但同時畀我面對好多選擇同挑戰,係一個旅途但都係一個磨鍊,磨鍊出賢明、良知、淑善同埋品德。呢啲經歷亦都令我學習堅定,唔好為別人忘掉自己、唔好被困難所折服,要毋忘初衷,一如既往!喺呢度想衷心多謝大家,係每一個嘅你畀我喺呢個健台上成長,亦都祝願下一屆香港小姐能夠薪火相傳,青出於藍。

邊個嘅獨白係有意思有感情?大家慢慢咀嚼吓喇~


來源 source: http://hk.on.cc
鍾意就快D Share啦!